Selman Aliaj, i cili vrau katër ditë më parë babain e tij dhe hodhi në liqenin e Farkës, ka dalë para gjykatës. 28-vjeçari nuk tha asgjë para duke u shprehur se ishte dakord me çdo gjë dhe thoshte avokati i tij. Prokuroria lexoi në sallë deklarimet që Aliaj kishte dhënë në polici pas arrestimit të tij. Sipas 28-vjeçarit babai e kishte fejuar pa dëshirën e tij dhe se ditën e krimit i kishte thënë se nusen do ndanin bashkë.<br /><br />Ditën e ngjarjes ishin duke shkarkuar disa materiale në oborrin e shtëpisë. Në një moment babai më thotë se nusen do ta kishim pergjysëm. Pas kësaj mora çekiçin dhe e godita disa herë në kokë. E mbështolla në një qilim, e futa në makinë dhe u nisa për në liqenin e Farkës. Kur hapa bagazhin e makinës pashë që ai merrte frymë dhe e godita përsëri duke e hedhur më pas në liqen.<br /><br />Selman Aliaj para policisë ka rrëfyer se është kthyer në banesë ku është ndërruar. Më pas ka shkuar në një fast-food në rrugën e Elbasanit ku ka ngrënë dhe është nisur për në Kukës. Të shtunën është kr1hyer nga Kukësi dhe është arrestuar në Kamëz nga policia.<br /><br />Grupi hetimor ka marrë në pyetje dhe pjesëtarët e tjerë të familjes Aliaj. Ata kanë konfirmuar se viktima Fejzi Aliaj ishte person problematik dhe sillej shumë keq me të birin. Prokuroria pritet t?i bëjë një ekspertim mjeko-ligjor autorit të krimit për të përcaktuar nëse ka qenë i aftë mendërisht në momentin e krimit apo edhe para tij.
