Subscribe në Ora News këtu http://bit.ly/1s5j7UT<br /><br />Familjes Beqiraj në Shkoder u premtoi se trupi i pajetë i djalit të tyre do të sillet sa më parë në atdhe, për ti bërë nderimet e fundit dhe shpenzimet janë marrë përsipër nga qeveria. <br /><br />Por në të njëjtën kohë ministri i jashtëm Ditmir Bushati, garantoj se në bashkëpunim me autoritetet Franceze, kontaktet janë të vazhdueshme dhe po punohet për të zbardhur shkaqet e verteta të dhunës që i solli më pas vdekjen 23 vjeçarit. Edhe pse në këtë pikë, ai tha se informacione paraprake ka, por preferon t?ia lërë hetimeve të plota versionin përfundimtar<br /><br />"Kemi kontaktuar me autoritetet Franceze ka nisur tashme hetimi per vdekjen e Florencit. Do të bëjmë çmos që të bëjmë hetim të plotë. Prokuroria në Francë ka nisur hetimet që nga momenti i ndalimit deri në ndarjen e tij nga jeta"- tha Bushati.<br /><br />Bushati i shprehu ngushëllime familjes për ngjarjen e rëndë si dhe angazhimin për të sjellë trupin e Florencit sa më parë.<br /><br />Ditmir Bushati: Shprehëm angazhimin për të kthyer trupin në Shqipëri si dhe për të siguruar një hetim të plotë dhe kryesor të gjithë ngjarjes. Jemi në kontakt me babain i cili është në Francë, dhe me familjen këtu dhe me autoritetet franceze. Prokuroria franceze ka nisur hetim për çështjen. Ne na takon ta ndjekim me rigorozitet të plotë dhe trupi i Florencit të mbërrijë brenda një kohe e procedure sa më të shpejtë.<br /><br />Bushati i pyetur mbi reagimin e ambasadës Shqiptare në Francë, u kujdes të deklarojë se ndaj strukturave tona do të merren masa nëse do të jetë rasti, duke lënë të kuptohet se po verifikohet reagimi i tyre mbi ngjarjen.<br /><br />Por Beqiraj nuk është rasti i vetëm dhe shumë shqiptarë vuajnë burgjeve të Europës, e specifikisht në Francë ku edhe numri azilkërkuesve është i lartë. Edhe në këtë drejtim po punohet me autoritetet Franceze shtoi Bushati.<br /><br />Për më shumë lexoni në: http://oranews.tv/article/bushati-ne-familjen-e-florencit-hetim-te-plote-vdekjen
