Subscribe në Ora News këtu http://bit.ly/1s5j7UT<br /><br />Deputetet e PD dhe të LSI me anë të një shkrese të posaçme i kërkojnë kryetarit të Kuvendit, Gramoz Ruçi, të marrë masa për deputetët dhe punonjësit e policisë që ushtruan, sipas tyre, dhunë ndaj dy deputeteve Kejdi Mehmetaj dhe Floida Kërpaçi. <br /><br />Madje në shkresë theksohet se jo vetëm Rama por dhe Ruçi janë shkaktarë të situatës së krijuar.<br /><br />"Ju, në cilësinë e Kryetarit të Kuvendit dhe vetë Kreu i mazhorancës Edi Rama, jo vetëm nuk u distancuat nga dhuna apo nuk morët masa ndaj saj, por, nëpërmjet tolerancës dhe heshtjes tuaj, treguat se pas këtyre akteve dhe nixitës e përkrahës të tyre jeni pikërisht ju."<br /><br />Në letrën e tyre, Aleanca e Grave Deputete theksoi se nga Byroja e Kuvendit të Shqipërisë u ndërmor një akt i paprecedentë, ku edhe e dhunuara, edhe dhunuesi, u dënuan njësoj nga maxhoranca. <br /><br />Gratë deputete kërkojnë një reagim të menjëhershëm ligjor nga Kreu i Kuvendit.<br /><br />"Dënojmë me forcë këto akte dhune, duke kërkuar nga ana juaj, marrjen e menjëhershme të masave për të dënuar maksimalisht dhe për të vënë përpara përgjegjësisë penale dhe administrativ, deputetët burra dhe punonjësit e Policisë së Shtetit, që ushtruan akte dhune ndaj grave deputete, si dhe vetë nxitësin e këtyre akteve, Edi Ramën."<br /><br /> Letra drejtuar kryetarit të Kuvendit është firmosur vetëm nga gratë deputete të Partisë Demokratike dhe Lëvizjes Socialiste për Integrim. Teksa ftojnë dhe koleget e tyre të bëhen pjesë e protestës.<br /><br />Për më shumë lexoni në: <br />http://www.oranews.tv/article/deputetet-e-opozites-leter-rucit-deno-dhunuesit-e-mehmetaj-dhe-kerpacit
