Subscribe në Ora News këtu http://bit.ly/1s5j7UT<br /><br />Avokati Adriatik Lapaj i ftuar në "Arena" nga Dritan Hila duke komentuar rastin e vdekjes së Florenc Beqirit në Francë, tha se ambasada e Shqipërisë në Paris nuk mund të jetë një strehë parazitësh ku marrin doktoraturën fëmijët e parisë së Tiranës.<br /><br />Lapaj: Fatkeqësisht ne kemi një shtim të emigracionit vitet e fundit dhe kjo është e trishtë. Problemi i Florencit nuk është problemi i një djali që vdiq, ka shumë që vdesin. Problemi është se ka shumë dyshime për mënyrën se si vdiq. <br /><br />Problemi jonë më i madh është se nuk morëm shërbim nga shteti. Ambasada jonë në Francë nuk mund të jetë një strehë parazitësh për të bërë doktoratura fëmijët e elitës së Tiranës. Kjo është e vërteta. Janë me dhjetëra fëmijë të intelektualëve të Tiranës kanë shkuar atje duke marrë një post. <br /><br />Ambasadori jonë në Francë duhet të përgjigjet pse nuk shkoi për 120 orë ku vlonte rrjeti. Ata nuk bënë asnjë hap. Ditën e tetë të ngjarjes ku djali vdiq, presidenti kërkonte informacion nga ambasada franceze në Tiranë. <br /><br />Ambasada nuk mund të jetë një recepsion ku organizon takimet e kryeministrit të radhës apo një vend që prenoton bileta avioni apo hotele për parinë e Tiranës. Duhet të jetë një vend ku shqiptarët të kenë një derë të hapur në Francë. <br /><br />Babai për 48 orë me radhë thoshte se po më kërcënojnë që t'i heqin aparaturat se nuk kishte mundësi të paguante. Ministria jonë e Jashtme mbajti një deklaratë kortezie ku kishte ndryshuar vetëm emrin se përtojnë të ndryshojnë tekstin. <br /><br />Për më shumë lexoni në: http://www.oranews.tv/article/llapaj-ambasada-jone-ne-france-strehe-parazitesh-te-bere-doktoratura-femijet-e-elites
