Emiljano Shullazi ka mohuar në Gjykatën e Krimeve të Rënda të gjitha akuzat që janë ngritur ndaj tij nga Prokuroria. Për 120 minuta, ai ka dhënë një tjetër version nga ai i biznesmenit Ylvi Beqja, i cili pretendon se është kërcënuar nga Shullazi, për t?i dhënë ish-hotel Vollgën në Durrës.<br /><br />I pandehuri ka sqaruar se Beqja i kishte kërkuar të ndërmjetësonte për të marrë pronësinë e ish-hotelit, pasi ia kishte bllokuar gjykata dhe nuk e regjistronte dot në hipotekë. Sipas Shullazit, nëse ai arrite ta bënte këtë, Beqja do t?i falte tre hyrje në pallatin që do ndërtohej aty.<br /><br />Më tej Shullazi tregoi se nuk kishte rënë dakord me këtë ofertë, pas së cilës biznesmeni i kishte premtuar 1 milion e 400 mijë euro. Por duke qenë se pronësia e ish-hotelit ishte në proces gjyqësor dhe Beqja nuk mund ta shiste, i pandehuri tha se mori 700 metra katrorë sipërfaqe nga hotel Vollga. <br /><br />Madje, ka sqaruar Shullazi, ai e kishte ndihmuar biznesmenin duke i dhënë 100 mijë euro borxh, pasi kishte mbetur pa para. Të gjitha kontratat, sipas Emiljano Shullazit, Beqja i kishte firmosur pa asnjë lloj kërcënimi dhe tek noterja ishin takuar si miq.<br /><br />I pyetur për kërcënimin e dy profesorëve Dhori Kule dhe Mynyr Koni, Shullazi ka thënë se nuk i njeh dhe nuk ka asnjë lidhje me këtë histori. Por kjo, sipas tij, do të zbardhet nga dëshmitarët që janë thirrur për t'u pyetur nga ana e avokatëve të tij. <br /><br />Të njëjtin qëndrim ka mbajtur edhe për kërcënimin e biznesmenin Adriatik Kërçuku në Lushnje. Ndërsa Jani Zakën ka sqaruar se e ka takuar një herë 5 minuta, për një problem të biznesmenit Fatmir Sinani. Në këtë takim Zaka i kishte thënë se e kishte zgjidhur me një kontratë noteriale.<br /><br />Tv Klan
