http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Reforma në sistemin e drejtësisë për kryeministrin Edi Rama, gjatë muajve të fundit ka shënuar progres. Në konferencën e fundvitit shefi ekzekutivit tha se në kushtet e një krize artificiale të reformës, opozita ka tentuar ta bllokojë zbatimin e saj.<br /><br /> <br /><br />Frytet e procesit të Vettingut, hallka më e rëndësishme e reformës në drejtësi, sipas Ramës do të vilen në fillim të vitit.<br /><br /> <br /><br />I pyetur nëse ai personalisht i druhet zbatimit të reformës në drejtësi, Rama thotë se fjala i takon vetëm institucioneve.<br /><br /> <br /><br />Megjithatë, Rama pohon se është gati të negociojë sërish me opozitën, por pa pritur në pafundësi.<br /><br /> <br /><br />Viti 2018, si nga qeveria shqiptare, por edhe nga Brukseli është konsideruar shumë i rëndësishëm për një vendim pozitiv mbi çeljen e negociatave. Rama tha se opozita, duhet të tregojë se është në mbështetje të këtij vendimi.<br /><br /> <br /><br />Marrëdhënien me Presidentin Meta e sheh sa afër, aq edhe larg. E nëse vlerëson shumë pozitiv vendimin për dhënien e shtetësisë shqiptare për Kryepeshkopin Anastas, Rama nuk është dakord me qëndrimin që kreu i shtetit mbajti mbi votën e Shqipërisë në OKB.<br /><br /> <br /><br />Me një batutë kryeministri iu përgjigj deklaratës së kryetares së LSI Monika Kryemadhi.<br /><br /> <br /><br />Në konferencën për shtyp, kryeministri Edi Rama tha se negociatat me Greqinë, të cilat pritet të vijojnë në janar në Korçë, janë shumë serioze. Ai kujtoi se vendimi i qeverisë për varrezat greke është thjesht zhbllokimi i procesit të dakordësuar nga qeveria e mëparshme. Sipas tij, palët po negociojnë për të mbyllur kapituj që nuk imagjinohet se mund të mbylleshin ndonjëherë, që nga Ligji i Luftës.
