Subscribe në Ora News këtu http://bit.ly/1s5j7UT<br /><br />Bashkia e Tiranës njofton se punimet në segmentin e dytë të Bulevardit të Ri janë drejt fundit dhe shumë shpejt do të hapet për qytetarët.<br /><br />Kryetari i Bashkisë së Tiranës, Erion Veliaj, u shpreh i kënaqur me ritmin e punës, duke qenë se hapja e segmentit të dytë do të mundësojë edhe lidhjen e bulevardit me disa rrugë dytësore.<br /><br />?Jemi duke punuar në gjysmën e dytë të segmentit dhe është çështje kohe sa të prekim Bregun e Lumit, aty ku Bulevardi bashkohet me projektin e Parkut Qendror, për të krijuar ndoshta projektin më të madh inxhinierik dhe infrastrukturor për Tiranën. Kemi mbaruar me shumicën e punimeve, po presim për pak mot të mirë, që të kemi mundësi të vazhdojmë me asfaltin. Siç e shikoni, pjesa më e madhe e Bulevardit është pjesa e parkut, pra pjesa ku kalohet kohë me këmbësorët, ku ulesh në një stol, ku ke korsinë e biçikletave, apo pistën e vrapit?<br /><br />Ai shtoi se përfundimi i këtij segmenti do ta bëjë Bulevardin e Ri më të aksesueshëm për banorët dhe makinat, pasi lidhë disa rrugë kryesore në kryeqytet. <br /><br />?Për banorët e zonës që kanë shijuar segmentin e parë, e kuptojnë se filozofia e Bulevardit është kryesisht një aks për njerëzit, pastaj edhe për makinat, ama njerëzit janë prioritet. Bulevardi do të jetë i aksesueshëm me Rr. ?Siri Kodra? dhe rrugët e tjera, siç janë Unaza e katërt që do të kalojë në Bulevard?.<br /><br />Kryebashkiaku i Tiranës vlerësoi faktin se projekti i Bulevardit të Ri do t?i japë qytetit jo vetëm një zonë të re zhvillimi, por edhe një hapësirë të madhe të gjelbëruar pasi janë mbjellë mbi 400 pisha<br /><br />Veliaj shtoi se projekti do të përfundojë me një shesh të ngjashëm me sheshin ?Nënë Tereza?.<br /><br />Për më shumë lexoni në:<br />http://www.oranews.tv/article/bulevardi-i-ri-do-te-mbyllet-me-nje-shesh-te-ngjashem-me-sheshin-nene-tereza
