http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />3 të rinj u arrestuan nga Policia e Laçit pasi qëlluan me kallashnikov natën e ndërrimit të viteve. Alban, Ernis dhe Arbër Lika qëlluan me armë zjarri në ajër në zonën e Sanxhakut në Laç aty ku dhe humbi jetën 16-vjecari Klejdi Gjeta.<br /><br /> <br /><br />Sipas bluve, ata lëviznin me një makinë së cilës i kishin hequr targat, ndërsa qëlluan në disa zona të Laçit, por edhe në vendin ku humbi jetën i riu.<br /><br /> <br /><br />Gjeta kur po hidhte fishekzjarrë në tarracën e shtëpisë, u godit nga një plumb qorr.<br /><br /> <br /><br />Burimet thanë se ende nuk mund të bëhet lidhja mes ngjarjeve, pasi ende nuk është gjetur arma kallashnikov, por dyshimet janë se të shtënat e të arrestuarve mund të kenë goditur aksidentalisht 16 vjecarin<br /><br /> <br /><br />Deri më tani Alban Lika, Ernis Lika dhe Arbër Lika akuzohen vetëm për prishje të qetësisë publike dhe armëmbajtje pa leje, ndërsa nuk është përcaktuar nëse video e shpërndarë në rrjetet sociale u përket atyre.<br /><br /> <br /><br />Nga ana tjetër, policia ka sekuestruar makinën tip benz me të cilën lëviznin tre të rinjtë, ndërsa brenda saj gjetën dhe gëzhoja kallashnikovi.<br /><br /> <br /><br />Klejdi Gjeta u gjet i pajetë në tarracën e banesës nga prindërit e tij. Ndonëse u çua në spital, mjekët nuk kishin çfarë të bënin, pasi i riu kishte ndërruar jetë. Sipas ekspertizës mjekoligjore, shkak i vdekjes ishte një plumb automatiku i cili u gjet në kokën e të riut.
