http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Kriminaliteti i shqiptareve në Britani vijon të jetë në nivele të larta. Pas lajmeve të publikuara për Fari Lleshin, i cili nga grabitës banke në Angli punonte si këngëtar, një tjetër lajm për dy të rinj u publikua mëngjesin e kësaj të mërkure.<br /><br /> <br /><br />Policia britanike është vënë në ndjekje të dy shqiptarëve të cilët dyshohen për armëmbajtje pa leje dhe trafik droge në Brighton dhe Hove.<br /><br /> <br /><br />Mediat britanike shkruajnë se dy të rinjtë shqiptarë janë Orges Dema dhe Olsi Fizlaj nga 20 vjeç.<br /><br /> <br /><br />Ata ishin arrestuar në dhjetor të vitit 2016 në këtë qytet, por u liruan me kusht për hetime të mëtejshme. Por ata thyen detyrimin e paraqitjes në shkurt të 2017 dhe që prej asaj kohe janë arratisur.<br /><br /> <br /><br />Deri më tani policia nuk ka informacione për vendndodhjen e tyre, ndërsa dyshohet se lëvizin bashkë.<br /><br /> <br /><br />Policia e Sussex në jugun e Anglisë ka bërë thirrje që kushdo që ka informacion për dy të kërkuarit, të kontaktojnë nëpërmjet internetit ose me telefon.
