<br /><br />അധികപിഴയ്ക്ക് തല്ക്കാലം വിട<br /><br />അമിതപിഴ ഈടാക്കുന്നത് നിര്ത്തണമെന്ന് ഏപ്രില് നാലിന് ഹൈക്കോടതി ഉത്തരവിട്ടിരുന്നു.<br /><br /><br />രജിസ്ട്രേഷനടക്കമുള്ള സേവനങ്ങള്ക്ക് അപേക്ഷ വൈകിയാലും ഉടമകള് ഇനി അധികപിഴ നല്കേണ്ടെന്ന് മോട്ടോര്വാഹന വകുപ്പ് ഉത്തരവ്.അപേക്ഷ വൈകുന്ന ഓരോ ദിവസത്തിനും 50 രൂപയെന്ന കേന്ദ്ര മോട്ടോര്വാഹന നിയമപ്രകാരമുള്ള പിഴസംഖ്യ ഈടാക്കുന്നത് നിര്ത്താനാണ് നിര്ദേശം. മുന്പത്തേതുപോലെ മാസം 100 മുതല് 200 രൂപവരെ എന്ന തോതിലാകും ഇനി പിഴ ഈടാക്കുക. <br />കേന്ദ്ര മോട്ടോര്വാഹന നിയമം നിലവില്വന്ന 2016 ഡിസംബര് 29-നു മുന്പ് ചുമത്തിയിരുന്ന പിഴയേ ഈടാക്കാനാവൂ. ഇത് പാലിക്കാത്ത ജില്ലാ ട്രാന്സ്പോര്ട്ട് ഓഫീസര്മാര്ക്കെതിരേ കര്ശനനടപടി സ്വീകരിക്കും.ഇത് നടപ്പാക്കാന് മോട്ടോര്വാഹന വകുപ്പ് തയ്യാറായിരുന്നില്ല. ഇത് നിര്ത്തണമെന്നാവശ്യപ്പെട്ട ട്രാന്സ്പോര്ട്ട് കമ്മിഷണര് ഏപ്രില് 27-ന് കത്ത് നല്കിയിരുന്നെങ്കിലും ആര്.ടി.ഓഫീസുകളില് നടപ്പാക്കിയില്ല. കോടതി ഉത്തരവ് നടപ്പാക്കാത്തത് കോടതി അലക്ഷ്യമാകുന്നതിനുള്ള സാധ്യത തെളിഞ്ഞതോടെയാണ് കര്ശന ഉത്തരവുമായി കമ്മിഷണര് രംഗത്തെത്തിയത്.
