Subscribe në Ora News këtu http://bit.ly/1s5j7UT<br /><br />Reshjet e dëborës në qarkun e Shkodrës kanë prekur prej ditësh vetëm zonat malore duke krijuar një situatë problematike. Por tërmeti i renë paradrekën e së enjtes ndikoi edhe më shumë në zonën e Vermoshit, pasi e bëri rrugen e re të pakalueshme.<br /><br />10 kilometra rrugë që lidhin Vermoshin me Shkodren nga segmenti i Qaf-Predelec deri në qender të fshatit në disa pjesë të tij është e bllokuar nga dëbora, por edhe rrëshqitja e gureve e dherave në rrugë.<br /><br />Për pasojë janë të bllokuar fshatrat e Vermoshit dhe të Lepushës në Njësinë Administrative të Kelmendit, Bashkia Malësi e Madhe. Edhe pse kjo njësi vendore e ka nën administrim këtë rruge e për pasojë ka detyrimin të mundësojë hapjen e saj, deri më tani nuk ka marrë asnjë masë.<br /><br />Emergjencat Civile të kontaktuara nga Ora News, thonë se pasi të shihet situata nga afër do të marrin masa, duke treguar se deri më tani nuk kanë informacion për bllokimin e rrugës, edhe pse bora e rënë ka prej 72 orësh.<br /><br />Nga ana tjetër problematike paraqitet situata edhe në aksin rrugor Bogë-Theth, në zonën e Qaf Thores, ku 14 km rrugë vazhdojnë të jenë të bllokuara nga dëbora. Atje asnjë fadromë nuk është dërguar për hapjen e rrugës që të dërgon në zemer të qendres turistike më të preferuar nga turistët, por që këtë fundviti dhe fillim viti të ri, ishte mollë e ndaluar për të gjithë. Edhe segmenti rrugor Theth-Breg lumi - Shkodër si shkak i rrëshqitjes së dherave dhe gurëve në rrugë ka vështirësi kalimi.<br /><br />Mungesa e mirëmbarjtes dhe e pastrimit të vazhdueshem të rrugëve ka bërë që këto segmente të mbesin të bllokuara për një kohë të gjatë. Në aksin rrugor nacional Vau Dejës - Pukë ka patur prezencë të rreshjeve të deborës por nuk ka probleme për lëvizjen e mjeteve. Nga strukturat e Policisë së Rendit dhe asaj Rrugore janë shtuar masat dhe po monitorohet situata për çdo problem për t?i ardhur në ndihmë të qytetarëve thotë në njoftimin e saj DPQSH.<br /><br />Për më shumë lexoni në:<br /><br />http://oranews.tv/article/debora-mbulon-qarkun-e-shkodres-bllokohen-disa-fshatra
