Subscribe në Ora News këtu http://bit.ly/1s5j7UT<br /><br /><br />Në këtë fillim viti, Lulzim Basha ka bërë një reagim në një lidhje me një premtim të pambajtur sipas tij që kryeministri Rama e ka bërë rreth 2 muaj më parë në një familje që fëmija e tyre vuante nga diabeti. Bëhet fjalë për rimbursimin e fishave të matjes së diabetit për fëmijët, për të cilat Rama tha se do të bëhet në janar.<br /><br />Në një reagim, kryetari i PD Lulzim Basha thotë se Rama nuk ka miratuar akoma Listën e Barnave të Rimbursueshme për vitin 2017, dhe për këtë arsye 1500 fëmijët e sëmurë me diabet do të vazhdojnë të blejnë 100 mijë lekë çdo muaj fishat e diabetit.<br /><br />Reagimi i PD<br /><br />Në 14 nëntor, në kulmin e skandalit të Saimir Tahirit, u bëmë dëshmitarë të nje shfaqje të pashpirt të Edi Ramës me një 12 vjeçare, që vuante nga diabeti. Ai i premtoi Damiana Bakiut, familjes së saj dhe, nëpërmjet saj, 1500 familjeve të tjera që jetojnë me dhimbjen e diabetit të fëmijëve të tyre se fishat e matjes së diabetit do të rimbursohen që nga janari 2018.<br /><br />Janari erdhi, por as Damiana, as 1500 femijët e tjerë nuk do të rimbursohen, sepse qeveria e Edi Ramës nuk ka miratuar akoma Listën e Barnave të Rimbursueshme për vitin 2017.<br /><br />Damiana dhe 1500 fëmijët e sëmurë me diabet do të vazhdojnë të blejnë 100 mijë lekë çdo muaj fishat e diabetit, sepse klanet e tregut miliarder farmaceutik, klientë të Edi Ramës, nuk kanë rënë akoma dakord si do të ndajnë fitimet nga Lista.<br /><br />Fëmijët me diabet nuk janë të vetmit që janë mashtruar nga Edi Rama. Ai bëri fushatë elektorale me premtimin se mijëra shqiptarë do të përfitonin nga zgjerimi i Listës me 30 ilaçe të reja me fokus tek sëmundjet me përhapje të gjerë si ato të zemrës dhe të veshkave. Është e qartë se edhe këta mijëra shqiptarë janë peng i pazareve të pambyllura të klientëve të Edi Ramës me Listën e Barnave të Rimbursueshme.<br /><br />Ky vit ka nisur keq edhe për spitalet dhe qendrat shëndetësore.<br /><br />Për më shumë lexoni në:<br /><br />http://www.oranews.tv/article/pd-rama-nuk-mbajti-premtimin-femijet-me-diabet-do-vazhdojne-te-blejne-fishat-e-diabetit
