Orest Sota është liruar nga Gjykata e Apelit për Krimet e Rënda gati dy muaj pas arrestimit të tij.<br /><br />Togat e zeza te Apelit rrëzuan masën e dhënë nga Shkalla e Parë dhe caktuan si masë sigurie detyrimin per t?u paraqitur dy herë në muaj në Prokurorinë e Krimeve të Rënda.<br /><br />Por 25-vjeçari la edhe garanci pasurore në vlerën e 5 milionë lekëve të reja.<br /><br />Prokuroria e Krimeve të Rënda e bashkoi çështjen ?Sota? me dosjen e hetimore Tahiri-Habilaj pasi gjeti në makinën e tij 863 mijë Euro dhe dy patenta lundrimi të ish-ministrit.<br /><br />Hetuesit kanë dyshime të arsyeshme se paratë e gjetura në makinën e Sotës janë të Saimir Tahirit.<br /><br />Por avokati mbrojtës i 25-vjeçarit thotë se klienti i tij gjatë këtyre 2 muajve nuk është pyetur asnjëherë nga Prokuroria për këtë çështje dhe se ai është i gatshëm të japë deponimet kurdo që akuza ta kërkojë.<br /><br />Nëntë ditë më parë ishte po Gjykata e Apelit për Krimet e Rënda ajo që i ktheu pasaportën ish-ministrit të Brendshëm dhe rrëzoi masën e dhënë nga Gjykata e Shkallës së Parë për ndalimin e lëvizjes së tij jashtë shtetit.
