http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Këtë fundjavë jeta artistike në kryeqytet nuk ofron thuajse asnjë alternativë të re. I vetmi që hap dyert për publikun është Teatri Eksperimental. Për skenat e tjera, është planifikuar që premierat të nisin pas javës së dytë të janarit.<br /><br /> <br /><br />Është koha për komedi. Kështu preferon ta nisë 2018-en Kiço Londo. Me aktorë të rinj e plot energji, regjisori ka formuar një trupë artistike që bën bashkë aktorët e Durrësit dhe Lezhës.<br /><br /> <br /><br />Komedia përcjell aventurat e beqarit francez Bernard, që ka joshur tre stjuardesa, e që secila prej tyre beson se është e fejuara e tij. Ngjarjet do të kulmojnë në një apartament ku mblidhen të gjithë për të mësuar më shumë të vërteta.<br /><br /> <br /><br />Alesia Xhemalaj, e vetmja nga kasti i aktorëve që ka bashkëpunuar edhe më herët me regjisorin Londo, është një prej stjuardesave.<br /><br /> <br /><br />Kjo vepër e Marc Camolettit, përkthyer nga Nasi Lera, ngjitet në skenën e Teatrit Eksperimental nga nesër, për të vijuar deri më 21 janar.
