Subscribe në Ora News këtu http://bit.ly/1s5j7UT<br /><br />KQZ vendos ndërprerjen e mandatit për dy deputetët Aqif Rakipi të PDIU dhe Gledion Rehovicës të LSI-së.<br /><br />Vendimi është marrë me 5 vota pro. Prokuroria kërkoi heqjen e mandatit për deputetin e PDIU-së, Rakipi dhe të LSI-së, Rehovica pasi prekeshin nga ligji i dekriminalizimit. <br /><br />KQZ s'pranon kërkesën e deputetit Aqif Rakipi<br /><br />Para votimit u dëgjuan palët mbrojtëse. <br /><br />Deputeti Aqif Rakipi përmes avokatit të tij mbrojtës kërkoi pezullimin e procedurës administrative në KQZ për ndërprerjen e mandatit deri në një vendim nga Gjykata Administrative e Apelit.<br /><br />"Në këtë gjykatë deputeti Rakipi ka kërkuar shfuqizimin e të vetmes bazë ligjore për të cilën kërkohet ndërprerja e mandatit. Nëse shfuqizohet ky veprim, atëherë lidhet drejtëpërdrejtë me kërkesën e prokurorisë për heqjen e mandatit" deklaroi avokati mbrojtjës Theodhori Sollaku.<br /><br />Por kjo kërkesë e hedhur në votim nga anëtarët e KQZ u hodh poshtë.<br /><br />Më pas KQZ vijoi shqyrtimin e kërkesës së prokurorisë ndaj deputetit Rakipi.<br /><br />Avokati kërkoi mos pranimin e kërkesës së prokurorisë me pretendimin se nuk ka sjellë asnjë fakt të ri por dhe se nuk ka shkak për ndërprerje mandati.<br /><br />"Prokuroria ka dështuar se ka bërë fshehje të qëllimishme të identetit tjetër në formular. Nuk ka ardhur asnjë fakt i ri nga prokuroria. Pse nuk sjellin vendimin që ka marrë prokuroria italiane për klientin tim, bëhet fjalë për një vepër penale mbajtja e sendeve të vjedhura. Duhet të provosh që dihet që janë sende të vjedhura" - deklaroi Sollaku<br /><br />Për më shumë lexoni në:<br /><br />http://oranews.tv/article/kqz-mblidhet-sot-te-vendosur-mandatin-e-deputeteve-rehovica-dhe-rakipi
