Subscribe në Ora News këtu http://bit.ly/1s5j7UT<br /><br />Katedralja ortodokse "Ringjallja e Krishtit" në qendër të qytetit të Korçës u përfshi nga flakët mesditën e së shtunës, 6 janar 2018, vetëm pak minuta pas meshës së Ujit të Bekuar<br /><br />Flakët nisën në pjesën e brendshme të objektit të kultit, në vendin ku besimtarë të shumtë ishin duke ndezur qirinj në këtë ditë të rëndësishme të kalendarit festiv.<br /><br />Kjo ndodhi pas mbajtjes së meshës me rastin e Ditës së Ujit të Bekuar, ku ishte i pranishëm dhe Presidenti Meta<br /><br />Alarmi <br /><br />Flakët dhe tymi i zi që dilte nga katedralja vunë në alarm policinë lokale dhe zjarrfikësit që në pak minuta vunë situatën nën kontroll.<br /><br />Dyshimet janë se shkak për zjarrin mund të jetë shkaktuar nga pakujdesia në vendosjen e qirinjve nga besimtarët, por do të jetën hetimet e policisë lokale ata që pritet të nxjerrin shkakun e flakëve në objektin e kultit<br /><br />Nga verifikimet paraprake, rezulton se zjarri shkaktoi dëme të materiale në zonën e veçuar për ritin e ndezjes së qirijve, por pa dëmtuar strukturën e objektit të kultit apo pjesë të tjera me vlerë brenda katedrales.<br /><br />Fatmirësisht nuk pati as të lënduar mes besimtarëve të shumtë.<br /><br />Vizita e Metës<br /><br />Më herët në meshën e shenjtë të mbajtur në katedrale për Ditën e Ujit të Bekuar mori pjesë edhe presidenti Ilir Meta i cili shkoi në Korçë për një vizitë.<br /><br />Deme?<br /><br />Mitropolia përmes një deklarate tha se Katedralja nuk kishte pësuar dëmtime nga flakët.<br /><br />"Për shkak të fluksit të besimtarëve gjatë ndezjes së qirinjve ka marrë flakë. Nuk ka dëme të mëdha përveç nxirjes së mureve", thuhet në njoftim<br /><br /> Katedralja ortodokse "Ringjallja e Krishtit" është ndërtuar në Vitin 1992 dhe është një prej objekteve të kultit më të njohura në besimit ortodokse dhe ndër më të mëdhatë në Shqipëri<br /><br />Për më shumë lexoni në:<br />http://oranews.tv/article/katedralja-e-korces-perfshihet-nga-flaket-pas-meshes-ku-ndodhej-dhe-meta
