Subscribe në Ora News këtu http://bit.ly/1s5j7UT<br />Partia Demokratike dhe Lëvizja Socialiste për Integrim, si dy partitë kryesore në opozitës kanë nisur përgatitjet për stinën e protestave të lajmëruara fundvitin e shkuar.<br /><br />Burime të Ora News, në dy kampet politike bënë me dije se protesta e parë pritet të mbahet me 15 janar, ditë që përkon me nisjen e sesionit të ri parlamentar.<br /><br />Kryetari i Partisë Demokratike, Lulzim Basha, ka nisur një tur takimesh me struktura në rrethe ku në qendër është diskutimi për aksionin i cili pritet që përveç debateve dhe kundërshtive politike në seanca dhe në komisionet parlamentare, do të jetë beteja në rrugë me protesta popullore.<br /><br />Burimet bëjnë me dije se dy forcat politike si PD dhe LSI kanë programuar takime në rrethe deri në 12 janar.<br /><br />Po ashtu edhe në kampin e Lëvizjes Socialiste për Integrim kanë nisur përgatitjet, ndërsa degët janë udhëzuar që të marrin masa për pjesëmarrje masive.<br /><br />Sesioni parlamentar në dhjetor të vitit të shkuar u mbyll me protesta të opozitës, kundër zgjedhjes së Prokurores së Përgjithshme të përkohshme.<br /><br />Për më shumë lexoni në: http://oranews.tv/article/protestat-e-pd-lsi-everesti
