Subscribe në Ora News këtu http://bit.ly/1s5j7UT<br /><br />Kreu i Partisë Demokratike Lulzim Basha ka mbledhur në selinë blu aleatët parlamentarë për datën e protestës. Takimi i nisur në orën 10:00 u mbyll rreth orës 11:30 me një deklaratë nga kreu i PD-së i cili foli për aksionin opozitar me protesta dhe me një kushtëzim të marrëdhënieve në parlament.<br /><br />Vetë Basha nuk bëri publike datën e protestës së parë por burime nga PD bëjnë me dije se opozita do të nisë protestat me 27 janar.<br /><br />Lulzim Basha: Ky do të jetë një vit i kurajos e përballjes e fitores mbi të keqen. Ky është motivi që mban bashkë koalicionin opozitar dhe që udhëheq aksionin e nisur në fund të vitit të kaluar. Aksioni do të intensifikohet. Sot në diskutim me aleatët e koalicionit opozitar kemi vënë piketat për këtë kalendar veprimesh i cili do të shtrihet e përqafojë të gjithë shtresat e shoqërisë duke i bërë thirrje të gjithë zëdhënësve të opioninit qytetar, intelektualëve ti bashkohen këtij sezoni të protestës qytetare për tu përballur me krimin e bërë njish me politikën dhe paligjshmërinë që ka kapluar vendin.<br /><br /> Opozita e ka marrë këtë angazhim në një kohë kur 300 mijë shqiptarë nuk sigurojnë dot bukën e gojës. Kemi diskutuar në detaje për një aksion intensiv e kompleks opozitar dhe kemi folur dhe për sezonin e protestave që do të nisë brenda këtij muaji"<br /><br /> A do të marrë opozita pjesë në parlament?<br /><br />Lulzim Basha: "Marrëdhënia me parlamentin do të diktohet tërësisht nga interesi publik. Ne marrëdhënien me parlamentin do ta kemi të kushtëzuar me interesin publik dhe me aktin e rëndë të pafalshëm të dhunimit të kushtetutës." <br /><br />Në takimin e sotëm ishin kreu i Partisë Agrare Ambjentaliste Agron Duka, Fatmir Mediu, Nard Ndoka, Dashamir Shehi, ndërsa mbrëmjen e djeshme u takua me kryetaren e LSI-së, Monika Kryemadhi.<br /><br />Për rreth një orë palët mësohet se kanë diskutuar mbi qëndrimet që do të mbajnë ndërsa mësohet se në tryezën e bisedimeve ka qenë dhe kryetari i grupit parlamentar të LSI-së Petrit Vasili,dy nënkryetarët e PD-së Edmond Spaho dhe Edi Paloka, Sekretari i Përgjithshëm Arben Ristani dhe Sekretari Organizativ Enno Bozdo.<br /><br />Burimet bëjnë me dije se dy forcat politike si PD dhe LSI kanë programuar takime në rrethe deri në 12 janar.<br /><br />Për më shumë lexoni në:<br /><br />http://oranews.tv/article/protestat-kryemadhi-dhe-vasili-takim-me-bashen-ne-seline-blu
