Subscribe në Ora News këtu http://bit.ly/1s5j7UT<br /><br />Në pritje të raportit përfundimtar për rrezikun të shembjes që i kanoset një pallati 5 katësh dhe një shtëpie private pas çarjes së kodrës ku janë ndërtuar, Bashkia e Gjirokastrës vendosi evakuimin e të gjitha familjeve. Por ky vendim kundërshtohet nga të moshuarit që nuk pranojnë të braktisin banesat, ndërkohë që nga 18 familje, vetem tre u strehuan në Konviktin që u ka vënë Bashkia në dispozicion.<br /><br />Pas përplasjeve me Shërbimin Gjeologjik dhe në pritje të raportit përfundimtar për rrezikun e shembjes që i kanoset një pallati 5 katësh dhe një shtëpie private në lagjen "Punëtori", Bashkia e Gjirokastrës vendosi në mesnatë evakuimin e 18 familjeve.<br /><br />Vendimi u përcoll derë më derë, por në atë kohë një pjesë e familjeve i kishin braktisur banesat për të tretën natë radhazi, ndërsa të tjerë e pritën me revoltë.<br /><br />Por duke vendosur sigurinë përpara pronës, banorët e pallatit të rrezikuar u transferuan tek familjarët me përjashtim të dy kryefamiljarëve të moshuar që nuk pranuan të largohen, pavarësisht thirrjeve të herë pas hershme të policisë bashkiake dhe strukturave të tjera në angazhuara.<br /><br />Anthulla Hroni, 78 vjeçe është njëra nga të moshuarit që gjysmë shqip e gjysmë greqisht këmbëngul se nuk do të largohet nga shtëpia ku thotë se jeton prej 20 vitesh.<br /><br />Ndërkohë vetëm 3 nga 18 familjet që u rrezikohen banesat, zgjodhën të strehohen në konviktin e shkollës Pedagogjike ku janë bërë gati 8 dhoma për ti pritur.<br /><br />Ndërkohë rreth pallatit 5 katësh dhe banesave të tjera që rrezikohen nga rrëshqitja e dherave është vendosur shiriti i sigurisë deri në zbardhjen e raportit të Shërbimit Gjeologjik Kombëtar, ndërsa Policia e Shtetit dhe ajo bashkiake mbajnë situatën nën kontroll.<br /><br />Për më shumë lexoni në:<br />http://www.oranews.tv/article/policia-zbarkon-ne-lagjen-punetori-evakuimin-e-banoreve
