Subscribe në Ora News këtu http://bit.ly/1s5j7UT<br /><br />Partia Socialiste mblodhi paraditen e sotme Kryesinë e kësaj partie. Burimet bëjnë me dije se në mbledhje është diskutuar për vendimet e Asamblesë Kombëtare dhe çështjet organizative të partisë.<br /><br />Mësohet se kryeministri Rama ka kërkuar që të punohet për zgjedhjet në parti pasi ka kaluar afati.<br /><br />"Të bëhen zgjedhjet për kryetar ku s?janë bërë ende" mësohet të ketë thënë Rama.<br /><br />Ndërkohë zëdhënësja e Kryesisë së PS, Elisa Spiropali, në një deklaratë për mediat pas mbledhjes theksoi riorganizimin e kësaj force politike dhe angazhimin për negociatat e Shqipërisë me BE.<br /><br />Spiropali: Mbledhja e Kryesisë kishte disa funksione: organizimin e partisë, atë politik, por edhe agjendën qeveritare dhe të përparësive që qeveria e Partisë Socialiste ka për të çuar përpara në 2018-ën. Ne jemi të vendosur të ecim përpara me qeverisjen e vendit; jemi të vendosur të vazhdojmë komunikimin me qytetarët. Ne e fituam mandatin e Qershorit 2017 në një koalicion me qytetarët, morëm një mandat kuq e zi dhe jemi të vendosur që ta vazhdojmë këtë koalicion të madh. <br /><br />Jemi të vendosur që në këto muaj të punojmë fort për agjendën europiane të Shqipërisë, për t?i mbërritur dhe për të bërë të gjitha detyrat e shtëpisë.Kemi një marrëdhënie shumë të mirë me Bashkimin Europian; jemi në një pikë shumë të rëndësishme pavarësisht zhurmës, pavarësisht përpjekjeve të vazhdueshme të opozitës për të krijuar zhurmë në vend.Ne, padiskutim, vëmë agjendën e Shqipërisë përpara agjendës politike të ditës. Fatkeqësisht, kjo nuk është retorika apo politika e opozitës: ata kanë vendosur të venë interesin politik të ditës mbi interesin kombëtar.<br /><br />Për më shumë lexoni në:<br /><br />http://oranews.tv/article/rama-mbledh-kryesine-e-ps-te-behen-zgjedhjet-kryetar-atje-ku-sjane-bere
