Subscribe në Ora News këtu http://bit.ly/1s5j7UT<br /><br />Miratohet fondi prej 1.8 miliard lekësh për aksidentet nga makinat e paidentifikuara ose të pasiguruara. Agjensia e Mbikqyrjes Financiare bën me dije se nga ky fond do të përfitojnë rreth 750 qytetarë , ndërsa borxhet që do të shlyhen nisin që nga viti 2001 deri në 2018. Dëmet nga aksidentet kërkojnë vit pas viti miratimin e një fondi kompensimi.<br /><br />Të gjithë ata qytetarë që janë përfshirë në aksident me një automjet të pasiguruar ose të paidentifikuar gjatë vitit 2018 do të kenë mundësi të marrin kompensimin për dëmin e pësuar.<br /><br />Fondi i vënë në dispozicion për këtë kategori është në total 1.8 miliard lekë. Agjensia e Mbikqyrjes Financiare ka marë këtë vendim për ti dhënë zgjidhje një problematike të mbartur nga viti 2001 me pagesat e prapambetura në këto raste aksidentesh.<br /><br />Në bazë të vendimit çdo qytetar që fiton një vendim të formës së prerë nga gjykatat ose i miratohet nga shoqëritë e sigurimit, do të paguhet brenda këtij viti. Nga fondi i kompensimit i miratuar tashmë nga Agjensia e Mbikqyrjes Financiare do përfitojnë rreth 750 qytetarë.<br /><br />Nga të dhënat konstatohet se periudha 2001-2013 fondi i vënë në dispozicion për të mbuluar aksidentet ku përfshihen detyrime të papaguara, që janë në proces trajtimi apo proces gjyqësor pa vendim të formës së prerë kap shifrën e 1.25 miliardë lekëve.<br /><br />Për më shumë lexoni në: http://oranews.tv/article/kompensimi-aksidentet-18-mld-leke-shlyerjen-e-detyrimeve-te-prapambetura
