Subscribe në Ora News këtu http://bit.ly/1s5j7UT<br /><br />Partia Socialiste thirri këtë të martë Kryesinë e saj ku diskutoi mbi vendimet e Asamblesë Kombëtarë por edhe çështjet organizative të partisë. Deputetja Elisa Spiropali duke u përgjigjur opozitës theksoi se për qeverinë është me rëndësi axhenda e Shqipërisë dhe jo e politikës së ditës. Sipas saj qeveria do të vijojë angazhimin për çeljen e negociatave me Bashkimin Europian.<br /><br />Teksa opozita vijon të intensifikojë bashkëpunimin dhe organizimin e protestave për largimin e kryeministrit Rama, për vetë selinë rozë ka vetëm një prirotet dhe ai është integrimi i Shqipërisë.<br /><br />Në selinë e Partisë Socilaliste u zhvillua të martën mbledhja e Kryesisë ku edhe pse ka marrë pjesë vetë Kryeministri nuk ka preferuar të bëj asnjë deklaratë. Në fokus së takimit kanë qenë vendimet e Asamblesë Kombëtare dhe çështjet organizative të partisë. <br />Mësohet se kryeministri Rama ka kërkuar që të punohet për zgjedhjet në parti pasi ka kaluar afati. <br />"Të bëhen zgjedhjet për kryetar ku s?janë bërë ende" mësohet të ketë thënë Rama. <br />Në përfundim të mbledhjes, deputetja Elisa Spiropali theksoi se prioritet mbetet bashkëqeverisja me qytetarët dhe çelja e negociatave me Bashkimin Europian. <br />Përpjekjet e Partisë Demokratike dhe Lëvizjes Socialiste për Integrim, deputetja Spiropali i konsideroi zhurmë që synojnë dëmtimin e imazhit të vendit. <br />Spiropali: Mbledhja e Kryesisë kishte disa funksione: organizimin e partisë, atë politik, por edhe agjendën qeveritare dhe të përparësive që qeveria e Partisë Socialiste ka për të çuar përpara në 2018-ën. Ne jemi të vendosur të ecim përpara me qeverisjen e vendit; jemi të vendosur të vazhdojmë komunikimin me qytetarët. Ne e fituam mandatin e Qershorit 2017 në një koalicion me qytetarët, morëm një mandat kuq e zi dhe jemi të vendosur që ta vazhdojmë këtë koalicion të madh.<br /><br />Për më shumë lexoni në: http://oranews.tv/article/rama-mbledh-kryesine-e-ps-te-behen-zgjedhjet-kryetar-atje-ku-sjane-bere
