http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Një ditë pasi deklaroi se nuk do ta linte postin e tij si prokuror i Elbasanit, pasi shkarkimi ishte i paligjshëm Dritan Gina vazhdoi betejën ligjore në Prokurorinë e Krimeve të Rënda.<br /><br /> <br /><br />Këtë të mërkurë ai kallëzoi penalisht për shpërdorim detyre prokuroren e përgjithshme të përkohshme Arta Marku ndërsa kërkoi dhe dëm pasuror për heqjen sipas tij antiligjore.<br /><br /> <br /><br />Në dalje Dritan Gina tha se ai u keqkuptua kur nuk pranoi shkarkimin e tij, pasi zyra i është dorëzuar Ardian Nezhës, ndërsa bëri thirrje edhe prokurorëve të tjerë të veprojnë.<br /><br /> <br /><br />Gina tha se akti i ndërprerjes së komandimit për të është tërësisht i pavlefshëm, por Marku ka vepruar politikisht.<br /><br /> <br /><br />Në kallëzimin 15 faqesh, Gina shprehet se gjithçka nisi me presionin ndaj bashkëshortes së tij Rovena Gashi.<br /><br /> <br /><br />Sipas Ginës referuar ligjit, Arta Marku funksionon me kompetenca kalimtare dhe si e tille, ajo nuk mund te nxjerre dhe te nënshkruaje akte ne cilësinë e Prokurores se Përgjithshme te Republikës se Shqipërisë, por vetëm si Prokurore e Përgjithshme e Përkohshme. Si e tillë aktet e saj janë të përkohshme, ndërsa nuk njihen nga ligji.<br /><br /> <br /><br />Njësoj si bashkëshortja e tij, Gina ka parashtruar në kallëzim dhe mosarsyetimin e shkarkimit të tij. Diçka e tille është e pavlefshme.<br /><br /> <br /><br />Në mbyllje ish-kreu i prokurorisë së Elbasanit kërkon që prokurorët e çështjes të kryejnë dhe një ekspertim psikiatrik ligjor të Arta Markut, për të verifikuar gjendjen mendore të saj.
