http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Në kallëzimin 15 faqesh, ish-prokurori i Elbasanit Dritan Gina shprehet se gjithçka nisi me presionin ndaj bashkëshortes së tij Rovena Gashi. Mjaftoi deponimi i saj në Gjykatën Administrative që një ditë më pas ai të shkarkohej nga posti.<br /><br /> <br /><br />Në arsyetimin ligjor të Ginës, Arta Marku funksionon me kompetenca kalimtare dhe si e tille, ajo nuk mund te nxjerre dhe te nënshkruaje akte administrative ne cilësinë e Prokurores se Përgjithshme te Republikës.<br /><br /> <br /><br />Gina shprehet se aktet e saj vijnë nga një organ i paidentifikuar dhe si rrjedhoje nuk kanë fuqi ligjore.<br /><br /> <br /><br />Njësoj si bashkëshortja e tij, Gina ka parashtruar në kallëzim dhe mosarsyetimin e shkarkimit, ndërsa shprehet se ai ishte caktuar në krye të organit të akuzës në Elbasan pa një afat të caktuar.<br /><br /> <br /><br />Përplasja bëhet për nenin 160 të dispozitave kalimtare të ligjit për statusin e prokurove e gjyqtarëve.<br /><br /> <br /><br />Sipas ligjit deri në krijimin e këshillave, kryeprokurorja cakton në pozicione të ndryshme magjistratët.<br /><br /> <br /><br /> Ne kuadër te kompetencave te përkohshme dhe kalimtare, deri ne krijimin e Këshillit te Larte te Prokurorisë, Prokurorja e Përgjithshme e Përkohshme ka te drejte per te caktuar ne pozicione te përkohshme magjistratët, me qellim per te mundësuar ushtrimin e detyrave dhe funksionimin e Institucioneve te Drejtësisë.<br /><br /> <br /><br />Por për Ginën ky nen gjen zbatim, atëherë kur ka mbingarkese ne punën e prokuroreve.<br /><br /> <br /><br />Kjo kompetence kalimtare qe ligji, ne mënyre te përkohshme ia ka dhene Prokurores se Përgjithshme te Përkohshme, ne rastin e prokuroreve te juridiksionit te përgjithshëm, gjen zbatim ne situatat kur, per nevoja te ngarkesës ne pune dhe pamjaftueshmërisë se Prokurorëve te emëruar, pjese perberese e organikes se nje Prokurorie te caktuar, nevojitet shtimi i numrit te prokuroreve ne kete Prokurori, gje e cila realizohet nëpërmjet caktimit ne mënyre te përkohshme te nje ose me shume Prokuroreve nga Prokuroritë e Rretheve te tjera, per te kryer, ne menyre te përkohshme, detyren e prokurorit ne kete prokurori.<br /><br /> <br /><br />Por ndryshe mendon Prokuroria e Përgjithshme në leximin e ligjit. Burime pranë saj thanë për Vizion Plus se krahas nenit 160, aplikohet dhe neni 167 i dispozitave kalimtare në pikën 2 të të cilit thuhet.<br /><br /> <br /><br /> Magjistrati i komanduar me vendim të institucioneve të tjera, sipas parashikimeve të ligjit të mëparshëm, afati i komandimit të të cilit mbaron para krijimit të Këshillave, kthehet në vendin e mëparshëm të punës.<br /><br /> <br /><br />Deri më tani çifti i bashkëshortëve Gina-Gashi janë të vetmit që kanë kallëzuar kryeprokuroren e përkohshme dhe kërkojnë prej saj rikthim në detyre, por dhe dëm pasuror.
