Young Ishan Kishan, whose batting pyrotechnics played a part in Mumbai Indians massive win last night, has credited skipper Rohit Sharma for backing him despite his repeated failures. After some below-par outings, Kishan's day of reckoning finally came last night with the 19-year-old smashing a brilliant 62 off just 21 balls to help Mumbai Indians' cause. <br /> <br />ఐపీఎల్ చరిత్రలోనే కోల్కతా నైట్రైడర్స్ చెత్త ఓటమిని నమోదు చేసింది. టోర్నీలో భాగంగా బుధవారం రాత్రి ముంబై ఇండియన్స్తో జరిగిన మ్యాచ్లో కోల్కతా నైట్రైడర్స్ 102 పరుగుల తేడాతో ఓటమి పాలైన సంగతి తెలిసిందే. ఐపీఎల్ చరిత్రలోనే కోల్కతా ఇంత ఘోరంగా ఓడిపోవడం ఇదే మొదటిసారి. <br />ఈ విజయం ముంబై ఇండియన్స్కి ఈ సీజన్లో వరుసగా మూడో విజయం కాగా, కోల్కతా నైట్రైడర్స్ జట్టుపై వరుసగా ఎనిమిదో విజయం కావడం విశేషం. ఈ మ్యాచ్లో టాస్ ఓడి తొలుత బ్యాటింగ్ చేసిన ముంబై ఇండియన్స్ నిర్ణీత 20 ఓవర్లలో 6 వికెట్లు కోల్పోయి 210 పరుగులు చేసిన సంగతి తెలిసిందే. <br />అనంతరం ముంబై నిర్దేశించిన 211 పరుగుల భారీ లక్ష్యంతో బరిలోకి దిగిన కోల్కతా బ్యాట్స్మెన్ దారుణంగా విఫలమవడంతో 18.1 ఓవర్లలో 108 పరుగులు మాత్రమే చేసి ఆలౌటైంది. ఐపీఎల్ 11వ సీజన్లో ప్లేఆఫ్కు చేరాలంటే తప్పక గెలవాల్సిన మ్యాచ్లో ముంబై ఇండియన్స్ ఘన విజయం సాధించింది. <br />తాజా విజయంతో ముంబై ఇండియన్స్ 10 పాయింట్లతో పాయింట్ల పట్టికలో నాలుగో స్థానానికి ఎగబాకగా... ప్లే ఆఫ్స్ అవకాశాలను కోల్కతా సంక్షిష్టం చేసుకుంది. ముంబై బౌలర్లలో పాండ్యా బ్రదర్స్ చెరో రెండు వికెట్లు తీయగా.. మార్కండేయ, బెన్ కటింగ్, బుమ్రా, మెక్లన్గన్ తలో వికెట్ తీసుకున్నారు. కోల్కతా ఇన్నింగ్స్లో రెండు రనౌట్లు ఉండటం విశేషం. <br />ఈ మ్యాచ్లో ఇషాన్ కిషన్ 17 బంతుల్లోనే హాఫ్ సెంచరీ పూర్తి చేసుకున్నాడు. తద్వారా ఈ సీజన్లో వేగవంతమైన హాఫ్ సెంచరీ సాధించిన మూడో బ్యాట్స్మన్గా రికార్డు సృష్టించాడు. ఈ సీజన్లో కింగ్స్ పంజాబ్ ఆటగాడు కేఎల్ రాహుల్ 14 బంతుల్లో హాఫ్ సెంచరీ సాధించి ఐపీఎల్ చరిత్రలోనే వేగవంతమైన సెంచరీ నమోదు చేయగా.. కోల్కతా ఆటగాడు సునీల్ నరైన్ 17 బంతుల్లో హాఫ్ సెంచరీని నమోదు చేశారు.
