Ky është momenti kur efektivët e policisë shoqërojnë 52-vjeçarin Ymer Hidri, autorin e vendosjes së një sasie eksplozivi në një thertore.<br /><br />Bëhet fjalë për një ngjarje të ndodhur më 11 Nëntor të vitit që lamë pas, në Qerekë të Krujës.<br /><br />"Specialistët për Krimet në Komisariatin e Policisë Krujë në bashkëpunim me Prokurorinë e Rrethit Gjyqësor Krujë, pas një punë të mirëfilltë hetimore me metoda speciale kanë bërë të mundur zbardhjen dhe dokumentimin e një ngjarje të ndodhur më datë 11.11.2017, ku një shtetas ka tentuar të shkatërrojë me eksploziv një biznes", sqaron policia në një njoftim të sajin.<br /><br />Hidri dyshohet se e ka vendosur sasinë e eksplozivit në fabrikën e thertores së mishit në pronësi të P.N., për arsye pronësie. Fatmirësisht, lënda eksplozive nuk ka shpërthyer./tvklan.al
