Subscribe në Ora News këtu http://bit.ly/1s5j7UT<br /><br />Ministri për Evropën dhe Punët e Jashtme, Ditmir Bushati mori pjesë në ceremoninë e përurimit të selisë së re të konsullatës shqiptare në Milano. Ai u njoh nga afër me ambientet në këtë konsullatë si dhe bisedoi me qytetarët lidhur me përmirësimin e kushteve.<br /><br />Ministri Bushati theksoi se konsullata në Milano, e cila sipas tij deri para pak vitesh ishte një gropë thithëse parash të bashkatdhetarëve, sot është një seli moderne që ofron shërbime në mënyrë efikase dhe me kosto të reduktuar.<br /><br />Në këtë konsullatë marrin shërbime rreth 400 mijë bashkatdhetarë, vijoi ai, dhe ka qenë detyrimi i qeverisë sonë për të modernizuar shërbimet duke reduktuar koston dhe kohën e marrjes së tyre.<br /><br />Kreu i diplomacisë theksoi se konsullata është "shtëpia e shqiptarëve", jo vetëm për organizimin e aktiviteteve të përbashkëta por edhe sepse ofron informacion dhe analizë rreth zhvillimeve në Shqipëri dhe potencialeve të turizmit dhe ekonomisë për të tërhequr investimet e huaja.<br /><br />Për më shumë lexoni në: http://oranews.tv/article/bushati-ne-perurimin-e-shtepise-se-re-te-shqiptareve-ne-milano
