Subscribe në Ora News këtu http://bit.ly/1s5j7UT<br /><br />Programi Erasmus është një program i mbështetur nga Bashkimi Europian dhe përfshin elementë të bashkëpunimit të universiteteve jo vetëm në kontinentin Europian por edhe më gjerë.<br /><br />Elton Skëndaj, Drejtor i komunikimit në Universitetin e Tiranës, i ftuar në Ditë e Re tregoi mbi përfitimet që kanë studentët nga ky program dhe cilat janë kriteret që duhet të plotësojnë.<br /><br />Skëndaj u shpreh se në bazë të programit të Erasmus studentët e Universitetit të Tiranës kanë të drejtë të realizojnë 1 apo 2 semestra në një nga universitetet partnere në Evropë.<br /><br />Por cilat janë kriteret që studetët duhet të plotësojnë dhe dokumentat që duhen dorëzuar.<br /><br />Elton Skëndaj: ?Aplikimi është shumë i thjeshtë. Ne kemi marrë vendimin që të gjitha thirrjet, informacionet ti dërgohen studentëve në adresën e personalizuar të email-t që ka Universiteti i Tiranës brenda 24 orëve, në momentin që shpallet thirrja si edhe stafeve akademike që janë të interesuar. <br /><br />Të gjitha shpallen online dhe në rrjetet sociale të që ka universiteti. Studentët marrin aty infomarcionet. <br /><br />Kriteret e përzgjedhjes më shumë fokusohen tek perfomanca akademike. Niveli i njohjes së gjuhës, gjuha angleze në të cilën zhvillohet mësimi. Studentët patjetër duhet të kenë një nivel gjuhe që të jenë në gjendje të realizojnë procesin mësimor. <br /><br />Dokumetat që duhen dorëzuar janë të thjeshta si lista e notave, njohja e gjuhës por dokumenti më i rëndësishëm është Learning Agreement, pra marrëveshja që do të bëjë. Studenti shikon në universitetin ku dëshiron të realizojë shkëmbimin përzgjedh disa lëndë. <br /><br />Si do ti njihen, çfarë lëndësh do ti quhen? Nëse realizon 5 lëndë atje të cilat kanë një numër kreditesh të caktuara sesi do ti njihen këto kredite. Ky është një dokument të cilën studentët e plotësojnë vetë me ndihmën e koordinatorëve në nivel fakulteti.?<br /><br />Por nuk ka vetëm program shkëmbimi për studentët por edhe për pedagogët.<br /><br />Elton Skëndaj: ?Nga shtatori i 2017 deri në momentin që flasim janë rreth 30 pedagogë nga Univeriseti i Tiranës të cilët do të realizojnë shkëmbime akademike në universitet partnere. Pra pedagogë të Universitetit të Tiranës shkojnë në Universitetet europiane dhe japin mësim atje.<br /><br />Për të zhvilluar programin në Universitet europiane të përzgjedhura studentët nuk paguajnë tarifë.<br /><br />Elton Skëndaj: ?Studentët marrin mbështetje financiare nga Bashkimi Europian prej 800 euro mesatarisht në muaj. Nuk paguajnë tarifë studimi në Universitet pritëse. Gjithashtu BE paguan edhe kostot e udhëtimit.?<br /><br />Për më shumë lexoni në:<br /><br />http://oranews.tv/article/programi-erasmus-skendaj-ja-kriteret-qe-duhet-te-plotesojne-studentet-te-perfituar
