Subscribe në Ora News këtu http://bit.ly/1s5j7UT<br /><br /><br />Sulmohet banesa e policit në Fushë Krujë, tritol e granata në oborr<br />Nga: Liman Muça<br /> 12/01/2018 - 07:46<br />0<br />SHPERNDARJE<br /><br />Në Fushë Krujë u rikthyen sulmet me tritol ndaj efektivëve të policisë. Një sasi eksplozivi shpërtheu në banesën e Agron Vogës në fshatin Halil duke shkaktuar dëmë materiale, por fatmirësisht nuk pati të lënduar. Në vendngjarje u gjetën edhe dy granata të pashpërthyera.<br /><br />Banesa e një efektivi të policisë u sulmua me eksploziv në Fushë Krujë, ndërsa në oborrin e shtëpisë në fshatin Halil u gjetën edhe dy granata të pa shpërthyera.<br /><br />Ngjarja u shënua para mesnatës, brenda oborrit të banesës së Agron Vogës dhe familjes së tij.<br /><br />Sipas hetimeve të para për shpërthimin u përdor tritol që për fat të mirë nuk shkaktoi të lënduar, por vetëm dëme materiale.<br /><br />Nga shpërthimi i fortë është dëmtuar plotësisht një automjet, që sipas njoftimit paraprak të policisë së Krujës, është në pronësi të shtetasit Kadri Voga, të atit të efektivit të policisë.<br /><br />Ngjarja ka ngritur në këmbë policinë lolake që gjatë kontrollit të perimetrit ka gjetur edhe dy granata të cilat fatmirësisht nuk shpërthyen. <br />Dyshohet se ngjarja të lidhet me detyrën e Agron Vogës por po hetohen edhe pista të tjera.<br /><br />Ai prej 13 vitesh punon në policinë rrugore të Tiranës.<br /><br />Grupi hetimor i Policisë së Krujës ndërkohë thotë se pas veprimeve të para në vendngjarje po punon për identifikimin e autorëve të sulmit ndaj banesës së efektivit të policisë dhe sqarimin e të gjithë ngjarjes.<br /><br />Shpërthimi në banesën e efektivit ka shënuar rastin e rradhës të vendosjes së lëndës eksplozive në Fushë Krujë, teksa pjesa më e madhe e këtyre rasteve mbeten ende pa autorë.<br /><br />Për më shumë lexoni në:<br /><br />http://oranews.tv/article/shperthim-me-tritol-ne-shtepine-e-policit-te-rrugores-ne-kruje
