Subscribe në Ora News këtu http://bit.ly/1s5j7UT<br /><br />Projekti i Bashkisë së Beratit për një vend-depozitim të ri mbetjesh nuk ka gjetur dakordësinë e Ministrisë së Mjedisit, e cila mbështet projektin për ndërtimin e një landfilli rajonal për të pesë bashkitë e qarkut. Kryebashkiaku Sinaj, ndërsa bën me dije vendimin, pranon se sheshi aktual shkakton problematika mjedisore dhe nuk ka hapësira të lira.<br /><br />Ministria e Mjedisit ka rrëzuar një kërkesë të bashkisë së Beratit për ndërtimin e një sheshi të ri për depozitimin e mbetjeve urbane jashtë qytetit.<br /><br />Përballë një situatë, kur vend-depozitimi aktual ndodhet pranë zonës së banuar dhe ka shumë pak hapësirë, Bashkia e drejtuar nga Petrit Sinaj kishte kërkuar këtë zgjidhje emergjente. <br /><br />Por siç bën me dije vetë kryebashkiaku, Ministria nuk e ka miratuar projektin, pasi shikon si prioritete projektet afatgjata dhe në këtë rast atë të landfillit rajonal. <br /><br />Petrit Sinaj: ?Derisa të kemi studimin e ri dhe vendin e ri, sepse në fakt ne nuk jemi shumë entuziastë vetëm për studimin, ajo që duam ne është të kemi një vend të ri depozitimi.?<br /><br />Në këto kushte, mbetjet urbane të Beratit do të vijojnë të hidhen në venddepozitimin e vjetër e që shkakton problematika të mëdha mjedisore. <br /><br />Petrit Sinaj: "Po rehabilitojmë pjesërisht në bazë të mundësive që kemi këtë plagë mjedisore që është mbi 30 vjeçare në qytetin dhe Bashkinë e Beratit.?<br /><br />Zgjidhja për këtë fenomen shihet ndërtimi i një landfilli rajonal për të pesta bashkitë e qarkut të Beratit, projekt i financuar nga qeveria zvicerane.<br /><br /><br /><br />Për më shumë lexoni në:<br /><br />http://oranews.tv/article/sheshi-i-ri-i-mbetjeve-ministria-e-mjedisit-rrezon-kerkesen-e-bashkise-berat
