Subscribe në Ora News këtu http://bit.ly/1s5j7UT<br /><br />Duket se kanë gjetur një gjuhë të përbashkët Fran Frrokaj, demokrati në krye të bashkisë së Lezhës me kryeministrin Edi Rama në darkën që është mbajtur mbrëmë.<br /><br />"Darka e duhur dhe jo e gabuar. Në kohën e duhur dhe në vendin e duhur. E para është kryeministri i vendit tim pavarësisht se politikisht kemi pozicione të tjera" e komentoi Frrokaj.<br /><br />Frrokaj i sheh pozitivisht investimet që qeveria do të ndërmarrë në Lezhë për dy projekte rrugën Milot-Balldre dhe Shëngjin Velipojë dhe është gati ta falenderojë nëse do të bëhen realitet.<br /><br />"Më vjen mirë që Lezha ka vëmendjen për dy investimet. Dua ta falenderoj nëse këto të dyja bëhen relaitet sepse i shërbejnë turizmit dhe qytetarëve. "<br /><br />Duke marrë fjalën në bashkëbisedimin me përfaqësues të pushtetit vendor që Kryeministri Edi Rama zhvilloi sot në Shëngjin, Frrokaj i bëri publike dhe një temë të cilën e kishin diskutuar sërish mbrëmë<br /><br />E para Mungesa e fondeve<br /><br />Fran Frrokaj: "Të ardhurat që kanë pothuajse tre vjet që na mungojnë. Kjo ka bërë që të dukemi jo korrekt para qytetarëve <br /><br />E dyta- Një shtatore për Skënderbeun<br /><br />Fran Frrokaj: "Një shtatore të Skënderbeut në sheshin që quhet " Gjergj Kastrioti" që është para bashkisë por që aty jam vetëm unë dhe nga krahu tjetër ju që vini me qeverinë por Skënderbeu mungon. Do ishte mirë të ishte shtatore e Skënderbeut.<br /><br />E treta- Data 2 Mars të shpallet festë kombëtare<br /><br />Sa i takon reformës së ujit, Frrokaj mbështet reformën. Mendon se viti i Skënderbeut ka nisur mbarë në marrëdhëniet mes tyre por kjo sdo të thotë që më 27 janar nuk do të jetë në protestë<br /><br />Fran Frrokaj:"Lista e kërkesave që kam unë është e jashtëzakonshme, por si vit i Skënderbeut, ky është një fillim i mbarë i marrëdhënieve tona dhe shpresoj që edhe të vazhdojmë me investime e bashkëpunime të tjera. Ju garantoj se unë e bashkia nuk do të jemi nihilistë në politikë Do të jem më 27 në protestë me partinë time, nuk diskutohet<br /><br />Edi Rama: Po ujësjellësin lërë këtu.<br /><br />Frrokaj i tregoi Ramës se kishte pasru mundësi të ndalonte protestën e djeshme të banorëve të Torovicës, por nuk e bëri sepse ishte protestë e drejtë, ndërsa Rama mendon ndryshe.<br /><br />Fran Frrokaj: Në tavolinë falenderova dhe ata banorë të cilët protestuan për ujin. Unë mbase kisha forcë ta ndaloja por që nuk kisha arsye të ndaloja protestën e banorëve të Torovicës sepse edhe ju nga biseda jonë në tavolinë u bindët që ata kishin të drejtë të protestonin. Shpresoj që kontributi i tyre dhe darka jo e gabuar e jona mbrëmë të ketë të mundur krijimin e atij aksi<br /><br />Edi Rama: Sikur ata të kishin bërë protestë në 8 vitet kur partia jote kishte qeverinë unë do shkoja dje e i përqafoja por pas 8 vitesh është e dyshimtë. Megjithatë nuk ka rëndësi.<br /><br />Për më shumë lexoni në:<br /><br />http://oranews.tv/article/demokratin-fran-frrokajn-e-ramen-i-bashkon-skenderbeu-detaje-nga-darka-e-duhur-ne-lezh
