http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Skandali i tmerrshëm i infektimit me salmonelë të qumështit pluhur për foshnjat, tashmë ka ngritur alarmin në 83 vende. Kompania franceze e qumështit ?Lactalis? ka filluar të tërheqë nga tregu më shumë se 12 milionë kuti qumështi, që prej muajit dhjetor, pas padive të ngritura nga prindërit.<br /><br /> <br /><br />Në Francë janë regjistruar 35 raste infektimi, një në Spanjë dhe një rast tjetër i mundshëm mendohet të jetë në Greqi.<br /><br /> <br /><br />Prindërit e fëmijëve të infektuar ngritën shqetësimin pasi pas konsumimit të qumështit pluhur fëmijët e tyre u sëmurën me diarre të rëndë, dhimbje stomaku, patën të vjella dhe dehidratim të lartë. Tek foshnjat ky bakter mund të rrezikoje edhe jetën.<br /><br /> <br /><br />Pas fillimit të hetimeve, kompania sqaroi se shkak ishte bërë ndotja nga rikonstruksioni i fabrikës ?Celia? në Francën veriperëndimore dhe premtoi se do të kompensojë çdo familje të prekur.<br /><br /> <br /><br />Grupi Lactalis është një nga prodhuesit më të mëdhenj në botë të produkteve të qumështit, me shitje vjetore prej 17 miliardë eurosh.<br /><br /> <br /><br />Qeveria franceze paralajmëroi kompaninë se do të dënohet për këtë ngjarje. Autoritetet bene te ditur gjithashtu se do të vendosin sanksione ndaj shitësve pasi u zbuluan disa supermarkete të mëdha që vazhdojnë ende të shesin produktet e kontaminuar.
