Subscribe në Ora News këtu http://bit.ly/1s5j7UT<br /><br />Në memoralin e Gjergj Kastriot Skënderbeu në Lezhë u kremtua me një ceremoni solemne 550 vjetori i vdekjes së heroit tonë kombëtar.<br /><br />Ceremonia bëri bashkë përfaqësues të institucioneve lokale, qytetarë të shumtë dhe një grup arbëreshësh të ardhur posaçërisht nga Italia, por ra në sy mungesa e përfaqësuesve të qeverisë, e cila i mbajti në Tiranë aktivitetet në nderim të heroit kombëtar.<br /><br />Skënderbeu mbetet figura me përbashkuese e shqiptarëve kudo që janë, ndaj një myfti musliman dhe prift katolik përcollën të unifikuar një mesazh të fortë kundër çdo tentative që sipas tyre nxit ndasi.<br /><br />Agim Tereziu: ?Jam këtu për të konfirmuar besimin e komunitetit mysliman të Shqipërisë se neve nuk kemi asnjë problem me figurën Gjergj Kastriot Skëndërbeut.?<br /><br />Angelo Massafra: ?Në emër të zotit, të vlerave, të traditave që kemi të duam atdheun tonë.?<br /><br />Një mesazh erdhi nga arbëreshët: ?Zemrën tonë e kemi këtu, tek kjo tokë.?<br /><br />Në këtë ditë që e vendos Lezhën në qendër të vëmendjes, kryebashkiaku Fran Frrokaj përsëriti kërkesat për mbështetje nga qeveria qëndrore edhe pse nuk e fsheu pesimizmin.<br /><br />Fran Frrokaj: ?Megjithëse jo shumë optimist shpresojmë që kërkesat e qytetarëve të Lezhës të merren në konsideratë me qëllim zhvillimin me ritme të shpejta të kësaj treve të rëndësishme të veriut të Shqipërisë.?<br /><br />2018 është shpallur nga qeveria shqiptare si Viti i Skënderbeut dhe në këtë kuadër janë parashikuar aktivitete të larmishme në të gjithë vendet ku jetojnë shqiptarë<br /><br />Për më shumë lexoni në:<br /><br />http://oranews.tv/article/lezhe-ceremoni-ne-550-vjetorin-e-vdekjes-se-skenderbeut-mungon-qeveria
