Subscribe në Ora News këtu http://bit.ly/1s5j7UT<br /><br />Reshjet e shiut të rënë gjatë natës dhe në orët e para të mëngjesit të sotëm kanë shkaktuar probleme në qarkun e Shkodrës, kryesisht në zonat malore. <br /><br />Problemet kryesisht janë në dëmtimin e rrugëve dhe në mungesën e energjisë elektrike. <br /><br />Njësia Shosh<br /><br />Në njësinë administrative Shosh ka probleme të furnizimit me energji elektrike si pasojë e dëmtimit të shtyllave elektrike. Ka pasur shembje të gurëve gjatë rrugës Kir-Shosh, e cila vazhdon të ketë edhe dëmtime nga gërryerjet e lumenjve. Gjithashtu paraqitet e vështirë edhe lidhja e këmbësorëve ndërmjet fshatrave si pasojë e dëmtimit të disa urave. <br /><br />Njësia Guri i Zi<br /><br />Ka pasur shembje në rrugën e fshatit Mazrrek në dy vende duke e bllokuar atë. Duhet një fadromë për të mundësuar hapjen e saj dhe për vendosjen e disa tombinove në vendet ku ndërpresin përrenjtë.<br /><br />Njësia Shalë<br /><br />Ka probleme të furnizimit me energji elektrike për arsye të dëmtimeve të disa shtyllave dhe linjave elektrike. Rruga eshte demtuar nga rënia e gurëve dhe gerryerjet e lumenjve. Është shembur ura këmbësore që lidh fshatin Gimaj dhe Breg-Lumi, por edhe ura të tjera të brendshme duke penguar shkuarjen e fëmijëve në shkollë. Janë prezente ngricat dhe akulli në rrugë rreth 10 km.<br /><br />Njësia Pult<br /><br />Në të gjithë fshatrat e njësisë administrative Pult ka probleme të furnizimit me energji elektrike si pasojë e dëmtimeve të shtyllave e linjave elektrike. Ruga e makinës për në fshatrat Bruçaj, Xhan, Plan, Gjuraj, është bllokuar për shkak të shkarjeve të dheut dhe gurëve. Vazhdojnë të jenë të dëmtuara disa ura të cilat lidhin fshatrat e njësisë. Raportohet sërish dëmtimi i rëndë i mullinjve për bluarjen e misrit. Problem mbetet edhe frekuentimi i shkollave nga fëmijët. Ka pasur një shtëpi banimi e cila është shembur në fshatin Bruçaj dhe një tjetër e cila rrezikon të shembet pasi i është prishur mbulesa në fshatin Pog. Janë prezente ngricat dhe dëbora në rrugë. Vazhdon bllokimi i rrugës në disa segmente nga masivë shkëmborë të rëna në të.<br /><br />Për më shumë lexoni në:http://oranews.tv/article/shkoder-shiu-demton-rruget-dhe-le-pa-energji-disa-fshatra
