Subscribe në Ora News këtu http://bit.ly/1s5j7UT<br /><br />Partia Socialiste ka propozuar ndryshime të Rregullores së Kuvendit të Shqipërisë, ku midis çështje që ndryshojnë është edhe neni 118 i Rregullores që lidhet me autorizimin e arrestimit të prokurorëve.<br /><br />Sipas pikës 1, kërkesa e prokurorisë për arrestimin i paraqitet kryetarit të Kuvendit, kërkesë e cila duhet të përmbajë një relacion të arsyetuar dhe të shoqëruar me prova.<br /><br />Në pikën 3 thuhet se pas dërgimit të kërkesës në Këshillin e Mandateve, Kuvendi cakton dy relatorë, përkatësisht nga opozita dhe shumica parlamentare.<br /><br />"Përpara diskutimit të çështjes, kryetari i Kuvendit fton dy relatorët të paraqesin vlerësimin e përgjithshëm mbi çështjen që shqyrtohet. Më pas vijohet me diskutimin në Këshill. Në përfundim të diskutimit, Këshilli brenda një jave harton raportin për në seancën plenare. <br /><br />Raporti rekomandon miratimin ose rrëzimin e kërkesës për dhënie autorizimi për procedim. Raporti i Këshillit u shpërndahet menjëherë deputeteve dhe behet publik.<br /><br />Shqyrtimi i kërkesës për dhënien e autorizimit për procedim parashikohet për shqyrtim ne seance plenare jo me pare se një javë. por jo me vone se dy jave nga paraqitja e raportit te Këshillit", thuhet në disa prej pikave të Rregullores.<br /><br />Në seancën plenare, fjala i jepet në fillim deputetit të "akuzuar".<br /><br />Një pikë e rëndësishme, është edhe ajo 12 e nenit 116, sipas të cilës "Kuvendi në seancë plenare, për arsye te mbrojtjes se të dhënave, mund të zhvillojë diskutimin me dyer të mbyllura".<br /><br />Për më shumë lexoni në: http://oranews.tv/article/arrestimet-e-deputeteve-ps-propozon-ndryshimin-e-rregullores-se-kuvendit
