http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Stuhia e fuqishme që ka përfshirë disa vende në Europës veriore, ka shkaktuar vdekjen e 8 personave. Më e rëndë situata paraqitet në Holandë, ku është shënuar edhe numri më i madh i të vdekurve, si dhe ne Gjermani.<br /><br /><br /><br />Në mesin e tyre janë edhe dy zjarrfikës, të cilët ndërruan jetë në përpjekje për të pastruar rrugët nga pemët e rrëzuara.<br /><br /><br /><br />Stuhia e acarit me emrin ?Friderike?, ka sjellë erëra të fuqishme e reshje të shumta dëbore. Mediat gjermane shkruajnë se shpejtësia e erërave arrin deri në 205 km për orë, dukë shkaktuar dëme në çatitë e ndërtesave, por edhe vështirësi në qarkullimin me automjete, trena dhe linjat ajrore. Disa shërbime njoftuan pezullimin.<br /><br /><br /><br />Autoritetet i bëjnë thirrje qytetarëve të shmangin daljet, e sidomos udhëtimet e gjata në autostrada, pasi viktimat që kanë humbur jetën deri më tani, janë shënuar si pasojë e aksidenteve rrugore dhe rrëzimit të pemëve.<br /><br /><br /><br />Shumë shkolla janë mbyllur, ndërsa rreth 65,000 shtëpi në Gjermani kanë mbetur pa energji elektrike.<br /><br /><br /><br />Erërat e forta kanë goditur edhe pjesë të Britanisë së Madhe, Francës, Belgjikës dhe Luksemburgut, ndërsa tashmë po i drejtohet Polonisë.
