Subscribe në Ora News këtu http://bit.ly/1s5j7UT<br /><br />Tre ditë bisedime intensive mes dy shefave të diplomacisë shqiptare dhe greke, kanë shënuar një përparim të thelbësor. <br /><br />Të paktën ky është konkluzioni i dhënë në një deklaratë të përbashkët të Ministrave të Jashtëm Ditmir Bushati dhe atij të Greqisë Nikos Kotzias. <br /><br />Përmes një njoftimi të përbashkët për shtyp, Ministritë sqaruan se është bërë progres në disa drejtime <br /><br />"Në vijim të takimit që u zhvillua në Kretë nëntorin e kaluar, të dyja ekipet bënë përparim thelbësor drejt arritjes së zgjidhjeve të qëndrueshme dhe afatgjata për çështjet e pazgjidhura, në përfitim reciprok të të dy vendeve dhe qytetarëve të tyre, në përputhje me vlerat dhe normat evropiane.Diskutimet u zhvilluan në një atmosferë miqësore dhe konstruktive. Të dyja palët përsëritën angazhimin e tyre për të ndjekur më tej dialogun në të gjitha nivelet në muajt në vijim"-thuhet në deklaratë.<br /><br />Burime për Ora News bën të ditur se palët gjatë qëndrimit në Korçë kanë gjetur pika të përbashkëta në çështjet e nxehta, ndërsa në tryezë është diskutuar çështja ccame, pronat e kishës ortodokse, të drejtat e minoriteteve, pakti detar dhe tema të tjera. <br /><br />Dita e dielë shënoi edhe fundin e bisedimeve, ndërsa delegacioni grek la qytetin juglindor të Korçës për t`u rikthyer në Athinë. <br /><br />Ndërkohë, në përfundim të ditës së dytë të diskutimeve, kreu i diplomacisë shqiptare Ditmir Bushati nënvizoi vështirësinë e negociatave por theksoi përparimin e bërë.<br /><br />Për më shumë lexoni në: http://oranews.tv/article/perfundon-takimi-treditor-bushati-kotzias
