Subscribe në Ora News këtu http://bit.ly/1s5j7UT<br /><br />Policia e Vlorës ka shpallur një person në kërkim si i dyshuar për lidhje me vrasjen tragjike të nënë e bir Selkie dhe Olsi Hoxhallarit. Blutë nuk japin më shumë informacion, pasi thonë se janë në hetime intensive për të zbardhur krimin e rëndë. Ndërkohë nënë e bir u përcollën sot për në banesën e fundit.<br /><br />Një person është shpallur në kërkim nga Policia e Vlorës për vrasjen e nënë e bir Selkie dhe Olsi Hoxhallarit, ngjarje e zbuluar mëngjesin e së dielës.<br /><br />Policia nuk e bën ende të ditur emrin e të dyshuarit, por thekson se 5 persona po merren në pyetje për krimin e rëndë.<br /><br />Të dielën u shoqëruan edhe kunata e viktimës dhe disa persona të tjerë të cilët janë liruar që të gjithë pasi janë marrë në pyetje.<br /><br />Grupi hetimor që ka marrë çështjen në dorë ishte në vendngjarje edhe këtë të hënë, ku siç mësohet kanë qenë gjurmët e gjakut në dhomën e krimit që kanë provuar se i pari është vrarë 43 vjeçari dhe më pas nëna e tij e moshuar.<br /><br />Nënë e bir u përcollën këtë të hënë për në banesën e fundit, nga të afërmit që u shprehen të tronditur, por nuk dinin ndonjë konflikt të familjes që mund të çonte në një tragjedi të këtyre përmasave.<br /><br />Si familje të qetë dhe pa probleme i njihnin edhe fqinjët në Vlorë, ku familja Hoxhallari ishte vendosur 15 vjet më parë.<br /><br />Konflikte të vjetra deri brenda familjes është një prej pistave kryesore që po ndiqet për të zbardhur ngjarjen e rëndë, por megjithatë policia nuk përjashton as pista të tjera për të cilët ende nuk e ka thënë fjalën e fundit.<br /><br />Për më shumë lexoni në: <br /><br />http://oranews.tv/article/vrasja-e-dyfishte-ne-vlore-shpallet-ne-kerkim-nje-person-lirohet-kunata
