Prokuroria e Krimeve të Rënda do të hetojë edhe 3 muaj të tjera ish?Ministrin e Brendshëm, Saimir Tahiri. Ajo iu drejtua me një kërkesë për zgjatjen e afateve gjykatës, e cila e pranoi.<br /><br />Sipas akuzës, janë për t?u kryer edhe disa veprimeve të tjera hetimore që kanë të bëjnë me pyejte personash apo administrim të provave që janë dokumente të ndryshme.<br /><br />Çështja Tahiri po hetohet sëbashku me dosjen ?Habilaj? dhe atë të Orest Sotës.<br /><br />Në ditët në vijim prokuroria pritet të thërrasë disa ish-zyrtarë policie për të dhënë sqarime në këtë çështje.<br /><br />Teksa gjykata zgjati afatet e hetimit për këtë dosje, kreu i Prokurorisë së Krimeve të Rënda, Besim Hajdarmataj, që kërkoi arrestimin e ish?Ministrit Tahiri, mori mbështetje nga Kryeprokurorja e përkohshme, Arta Marku, për të hetuar çdo çështje e në çdo nivel, kundër krimit dhe korrupsionit.<br /><br />Në takimin e zhvilluar mes tyre në Prokurorinë e Përgjithshme, Marku ka kërkuar që Prokuroria e Krimeve të Rënda të vazhdojë pa hezitim dhe vendosmërisht punën dhe hetimet e filluara.<br /><br />Në Prokurorinë e Krimeve të Rënda janë duke u hetuar disa zyrtarë dhe ish-zyrtarë të shtetit, të cilët dyshohet se janë përfshirë në afera të ndryshme korruptive, apo për lidhje me krimin e organizuar.<br /><br />Mbi ish-Ministrin Tahiri janë ngritur akuzat e pjesëmarrjes në grupi të strukturuar kriminal me qëllim trafikun e drogës dhe korrupsion i zyrtarëve të lartë.<br /><br />Tv Klan
