?Identiteti shqiptar përballë tjetrit në veprën e Ismail Kadaresë?, ishte ligjërata që albanologia dhe ballkanologjia nga Kina, Ke Jing, ligjëroi në prag të datëlindjes së shkrimtarit në Akademinë e Shkencave. Përveç tri çështjeve, identiteti, Kadare dhe tjetri, Jing, diskutoi edhe për retushimin që shkrimtari i njohur, sipas saj ka bërë në disa vepra. Si shembull, solli romanin ?Kështjella?.<br /><br />Ky përfundim solli diskutime mes akademikëve, njohësve të veprës së Ismail Kadaresë dhe Jing, larg podiumit të ligjërimit. Diskutimet i mbylli studiuesi dhe historiani i letërsisë, Shaban Sinani.<br /><br />Ke Jing e diplomuar për gjuhë dhe letërsi shqipe në Universitetin e Prishtinës, shefe e katedrës së gjuhës shqipe në Universitetin e Gjuhëve të Huaja në Pekin, përkthyese e 25 veprave nga letërsia jonë, pesë vite më parë Universitetin e Louiswille në Shtetet e Bashkuara mbrojti disertacioni ?Katër të tjerët në veprat e Ismail Kadaresë?, ku sipas saj, identiteti evropian i shqiptarëve që Ismail Kadare lëvron në veprën e tij nuk është i bazuar në fakte, por mbetet tek letërsia artistike.<br /><br />Tv Klan
