Subscribe në Ora News këtu http://bit.ly/1s5j7UT<br /><br />Partia Demokratike denoncoi skemën korruptive të cilën sipas saj po përdor qeveria për ndërtimin e tre inceneratorëve që do djegin plehrat.<br /><br />Kreu i Departamentit të Mjedisit në PD, Jamarbër Malltezi, në një deklaratë për mediat tha se Rama dhe Ahmetaj kanë vendosur taksën e plehrave që të shesin energjinë e prodhuar nga inceneratorët dhe të vazhdojnë të pasurohen për vete dhe më tej.<br /><br />Malltezi: Më 23 Nëntor 2017 Edi Rama u ka vendosur shqiptarëve një taksë të re, të padëgjuar kurrë më pare, taksën e plehrave, taksë e cila do të hyjë në xhepat e Edi Ramës dhe Arben Ahmetajt nëpërmjet vënies në punë të fabrikave të djegies së plehrave në Tiranë, Fier dhe Elbasan. <br /><br />?Taksa? nuk është një term i shpikur nga Partia Demokratike për të akuzuar qeverinë, por është shkruar e zeza mbi të bardhë në dokumentin e miratuar më 23 Nëntor nga Komisioni i Ndihmës Shtetërore, me Kryetar njërin nga pronarët e vërtetë të 3 inceneratorëve, Ministrin e Financave, Arben Ahmetaj. <br /><br />Ja të nderuar shqiptarë vendimi Nr. 77, datë 23 Nëntor 2017 i Komisionit të Ndihmës Shtetërore, ku thuhet qartë se bizneset që do të gjenerojnë energji nga plehrat do të marrin ndihmë shtetërore për të paktën 15 vjet. <br /><br />Pra, nuk ndihmohet prodhimi i energjisë së pastër, energjisë diellore apo të erës, por ndihmohet nga shteti energjia e prodhuar nga fabrikat e plehrave të Arben Ahmetajt dhe Edi Ramës. <br /><br />Ja, edhe pika 10 ku thuhet se ?Skema financohet nga një ?taksë?, e ashtuquajtura detyrim i shërbimit publik (ndaj Operatorit të Shpërndarjes), të cilit i është ngarkuar detyrimi për blerjen e energjisë nga prodhuesit e energjise prej pjesës së biodegradueshme të mbetjeve të ngurta dhe më pas për ta ofruar dhe shitur në treg?.<br /><br />Çfarë do të thotë kjo me fjalë më të thjeshta dhe më të kuptueshme?<br /><br />Kjo do të thotë se skema financohet me taksën që detyron OSHEE-në të blejë energjinë e prodhuar nga inceneratorët e Edi Ramës dhe Arben Ahmetajt me çmimin që do të përcaktojë po Edi Rama dhe Arben Ahmetaj në Entin Rregullator të Energjisë. <br /><br />Kjo do të thotë se, jo vetëm që Rama dhe Ahmetaj po marrin 178 milionë euro nga taksat tona për 3 inceneratorët që do të djegin plehra dhe do të lëshojnë helme në ajër, por ata kanë vendosur ?taksën e plehrave,? që të shesin energjinë e prodhuar nga inceneratorët dhe të vazhdojnë të pasurohen për vete!<br /><br />Nuk ka ndihmë shtetërore as për të përmbyturit, as për naftëtarët, as për të përndjekurit politikë, as për ish-pronarët, as për të papunët, as për kryefamiljarët që nuk ushqejnë dot fëmijët, as për të rinjtë që braktisin vendin. Ndihmë ka vetëm për inceneratorët e Edi ramës dhe Arben Ahmetajt. <br /><br />Afera e inceneratorëve është një nga aferat më korruptive të qeverisë Rama. Nga tre kontratat klienteliste të inceneratoreve, vetëm ajo e Elbasanit është bërë publike. <br /><br />Partia Demokratike faktoi me dokumenta se sesi korrupsioni detyron qeverinë të kryejë Brenda 24 orëve 9 procedura të komplikuara, të cilat marrin z...
