Kompania e shpërndarjes së energjisë është duke skeduluar borxhet që kompanitë shtetërore kanë ndaj saj për mospagimin e detyrimeve të energjisë. Administratori Ardian Çela tha se deri tani ujësjellësit dhe disa bashki janë toleruar për të mos ndërprerë furnizimin e konsumatorëve me ujë, por kjo situatë do të ndryshojë dhe masat ndaj tyre do të jenë drastike nëse faturat nuk paguhen.<br /><br />?Në fund, do të marrim edhe ne masat tona, duke u bllokuar ndoshta llogaritë bankare.?<br /><br />Kjo ishte dhe një nga arsyet që drejtuesit e kompanisë OSHEE listuan për borxhin që ndërmarrja ka ndaj organeve tatimore. Ata thanë se detyrimet fiskale arrijnë në 76 milionë dollarë, por këto janë borxhe të gjetura në 2013-ën. Ardian Çela tha se nuk mund të shlyejë borxhet dhe të lerë konsumatorët pa energji, prandaj duhet të bëjë investime në rrjet.<br /><br />?Institucionet buxhetore dhe jo buxhetore, ujësjellës e të tjerë me radhë kanë një borxh prej 16 miliardë lekësh.?<br /><br />Për shkak të thatësirës kompania pret që bilancet e vitit 2017-të të kenë një rënie të fitimit, ndërsa raporton se niveli i humbjeve në rrjet është 26.4%, ndërkohë që është ulur edhe niveli i borxhit të keq që konsumatorët kanë ndaj saj. Por a duhet të ndryshojë tarifa pas përmirësimit të këtyre treguesve?
