Vetëm pak muaj pasi u vu në pranga me bujë nga Policia e Durrësit, Durim Keçi, i njohur si një nga të fortët e Shijakut, i kërkuar nga Italia për akuzat e trafikut të drogës, organizatës kriminale dhe shfrytëzimit të femrave për prostitucion, u lirua nga Gjykata.<br /><br />Keçi madje u bë objekt i debatit mes Partisë Demokratike dhe asaj Socialiste pas arrestimit. Kjo pasi PD akuzonte mazhorancën se Keçi kishte punuar për ta gjatë fushatës, por se tashmë e kishin shitur për një familje tjetër të rëndësishme. Lajmi u bë i ditur për televizionin Klan nga burime të organit të Gjykatës së Durrësit. Sipas të njëjtave burime argumentimi i lirimit të Keçit ishte se ai ka vuajtur një pjesë të dënimit me 9 vite e 7 muaj burg të dhënë ndaj tij në Xhenova të Italisë.<br /><br />Po kështu pjesa e mbetur i është konvertuar në Shqipëri dhe pas vuajtjes së dëbimit të mbetur, Keçi u arrestua më 11 Tetor të vitit të kaluar gjatë një operacioni të policisë në Shijak. Tre ditë më vonë Gjykata dha ndaj tij masën e sigurisë arrest me burg. Avokati e cilësoi arrestimin e Keçit, si arrestim tendencioz me natyrë raciste për shkak të diskriminimit të të qenit shqiptarë.<br /><br />Keçi është arrestuar nga policia italiane dhe është gjykuar në bazë të procesit Kanun, bashkë me 135 shqiptarë të tjerë, shumica e të cilëve nga Shijaku. Arrestimi i Keçit u shoqërua me akuza edhe nga opozita në atë kohë e cila tha se Vangjush Dako dhe deputetë të Partisë Socialiste i kishin bërë presion policisë për këtë ngjarje.
