Subscribe në Ora News këtu http://bit.ly/1s5j7UT<br /><br />Kryeprokurorja Arta Marku u ka kërkuar vartësve që reformën në drejtësi dhe vettingun ta shikojnë jo si ndëshkim, por si mundësi për dinjitet dhe reputacion për vete dhe për institucionin.<br /><br />Ky mesazh është përcjellë nga drejtuesja e institucionit gjatë takimit me stafin ku ka prezantuar organikën e re të prokurorisë së përgjithshme.<br /><br />Ky institucion tashmë do të ketë në përbërje gjashtë drejtori. <br /><br />Në krye të drejtorisë së inspektimit është emëruar prokurori Sokol Stojani, i cili gjatë karrierës së tij në organin qendror të akuzës ka hetuar çështje me peshë si 21 janari, tragjedia e Gërdecit apo skandali I pasaportave.<br /><br />Në strukturën e re prokurori Adnand Xholi ka marrë detyrën e titullarit të drejtorisë gjyqësore e cila më parë njihej si drejtoria e hetimit. Në drejtorinë e përgjimeve mbetet titullari i mëparshëm Thoma Jano i cili ka mbajtur këtë funksion edhe në kohën e Adriatik Llallës dhe Ina Ramës.<br /><br />Ish-kandidati për kryeprokuror, Arqile Koça, i cili kandidoi në të njëjtën garë me Arta Markun, është konfirmuar në krye të drejtorisë së Marrëdhënieve me jashtë, Dekriminalizmit dhe Mbrojtjes së Dëshmitarëve.<br /><br />Për më shumë lexoni në: http://oranews.tv/article/prezantohet-struktura-e-re-e-prokurorise-ja-porosite-e-arta-markut
