Subscribe në Ora News këtu http://bit.ly/1s5j7UT<br /><br />Partia Demokratike denoncoi sërish sot planin e qeverisë për ndërtimin e tre inceneratorëve, duke e cilësuar si një nga aferat më korruptive të Kryeministrit.<br /><br />Lealba Pelinku, drejtuese e Departamentit Antikorrupsion publikoi kontratat e inceneratorëve të Fierit dhe Tiranës, që sipas saj janë mbajtur të fshehta pasi kanë shkelje të mëdha ligjore.<br /><br />Pelinku: Ndërtimi i tre fabrikave për djegien e plehrave në Elbasan, Fier dhe Tiranë është një nga aferat më korruptive të qeverisë së Edi Ramës. Për të mbuluar korrupsionin, qeveria i ka mbajtur të fshehta tre kontratat e inceneratorëve me të cilat Edin Rama dhe Arben Ahmetaj do të zhvasin 178 milion euro duke djegur plehra dhe helmuar ajrin.<br /><br />Prej tre kontratave, ajo e Fierit dhe Tiranës nuk janë botuar as në Buletinin e Njoftimeve Publike dhe as në Fletoren Zyrtare duke përbërë kështu një vepër penale. PD ja ka dalë ti gjejë këto kontratat që sot bëhen publike për herë të parë.<br /><br />Kontratat kanë shkelje të rënda ligjore, ajo e Fierit nuk ka të specifikuar vendin ku do të ndërtohet duke hyrë në histori si kontrata më antiligjore e firmosur ndonjëherë. Kjo kontratë është ndër më korruptivet sepse nuk ka të specifikuar as teknologjinë, as firmën e inceneratorëve".<br /><br />Në ditët në vazhdim, PD tha se do të shpjegojë me detaje si Edi Rama dhe Arben Ahmetaj u kanë dhënë të drejtë inceneratorëve të djegin mbetje pa i ndarë ato duke shkaktuar ndotje të lartë mjedisore dhe rrezik për shëndetin.<br /><br />"Prokuroria hesht dhe peshqit e mëdhenj vijojnë të jenë të paprekshëm" tha Pelinku.<br /><br />Për më shumë lexoni në: <br /><br />http://oranews.tv/article/rama-i-mbajti-sekret-pd-publikon-kontratat-inceneratoret-e-fierit-dhe-tiranes
