Subscribe në Ora News këtu http://bit.ly/1s5j7UT<br /><br />Zyrat e disa prej institucioneve më të rëndësishme në Bashkinë e Pogradecit janë dhunuar nga persona ende të paidentifikuar. Autorët kanë thyer dyert dhe kanë dëmtuar dëmtuar çfarë kanë gjetur brenda tyre.<br /><br />Në total janë dëmtuar, rreth 12 zyra, mes të cilave edhe ato të Punës dhe Sigurimeve shoqërore ku mbahen dokumente të rëndësishme për qytetarët.<br /><br />Pas verifikimeve të para, policia e Pogradecit tha se autorët, numri i të cilëve ende nuk dihet nuk kanë vjedhur asgjë, pasi dyshohet se mund të këtë kërkuar para.<br /><br />Por hetimi nuk përjashton as pistën e një akti vandalizmi me objekt direkt zyrat e shtetit, që siç mësohet prej më shumë se një viti janë pa roje private ndërsa nuk kanë as kamera sigurie, siç detyron ligji.<br /><br />I vetmi institucion ku ka kamera sigurie është zyra e Aluiznit, e cila ndodhet në të njëjtin korridor dhe nuk është dëmtuar.<br /><br />Ndaj policia ka sekuestruar pamjet në kuadër të hetimit<br /><br />Thuajse të gjitha institucionet më të rëndësishme në Pogradec ndodhen në një godinë me zyrat e Bashkisë, të cilat kanë hyrje me vete dhe po ashtu siguri më vete.<br /><br />Policia e Pogradecit thotë se po vijon punën për identifikimin dhe arrestimin e autorëve të dhunimit të institucioneve.<br /><br />Për më shumë lexoni në: <br />http://oranews.tv/article/dhunohen-zyrat-e-bashkise-se-pogradecit
