Subscribe në Ora News këtu http://bit.ly/1s5j7UT<br /><br />Prej 1 Janarit bileta për të vizituar parkun kombëtar të Butrintit është unifikuar në vlerën 700 lekë, për shqiptarët dhe të huajt! Por ky vendim i Ministrisë së Kulturës, ka ngjallur reagimin e operatorëve turistikë, jo për vlerën, por për kohën ku hyn në fuqi, pasi ata thonë se një pjesë të marrëveshjeve i kanë nënshkruar tashmë më bashkëpunëtorët e huaj!<br /><br />700 lekë është çmimi i ri i unifikuar i biletës për cdo vizitor të Parkut Kombëtar të Butrintit.<br /><br />Vendimi i Ministrisë së Kulturës që ka nisur të zbatohet prej 1 janarit, sic konfirmon edhe drejtori i Parkut, Gjergji Mano, rrit cmimin edhe për vizitorët vendas që më parë paguanin 300 lek. Ndryshime ka edhe në lehtësitë për grupet e turistëve.<br /><br />Arben Çipa: Pjesa e shqiptarëve të cilët trajtoheshin me një biletë 350 lekë të reja, tani do trajtohen me 700 lekë të reja.<br /><br />Rritja e biletës për në Butrint, ka ngjallur reagimin e operatorëve turistikë, jo për vlerën, por për faktin se hyn në fuqi në një kohë kur ata i kanë mbyllur marrëveshjet e para me bashkëpunëtorët e huaj.<br /><br />Arben Çipa: Duhej të organizohej në një formë tjetër dhe padyshim informacioni duhet të ishte dhënë në kohë, pra para fillimit të sezonit.<br /><br />Kryetari i shoqatës së operatorëve turistikë në Sarandë, Arben Cipa, thotë se kjo lëvizje e pakonsultuar dhe e panjoftuar më herët, sic shprehet ai, mund të ndikojë në uljen e numrit të vizitorëve.<br /><br />Arben Cipa: Kjo është dicka që duhej konsultuar dhe me pjesën e subjekteve ku aktualisht numri i vizitorëve është ai që ne aktualisht sjellim në Butrint, në pjesën më të madhe.<br /><br />Ulje të vlerës së biletës parashikohet vetem për grupet turistike mbi 30 persona. Përgjatë vitit 2017 Parku kombëtar i Butrintit u vizitua nga rreth 170 mijë turistë, shqiptarë e të huaj.<br /><br />Për më shumë lexoni në: <br /><br />http://oranews.tv/article/butrint-unifikohet-bileta-vizitoret-ne-parkun-kombetar
