Subscribe në Ora News këtu http://bit.ly/1s5j7UT<br /><br /><br />Një grup kriminal i trafikut të drogës është shkatërruar nga policia shqiptarë dhe policia italiane pas një hetimi me medota speciale që zgjati disa vjet.<br /><br />Në kuadër të operacionit antikanabis të koduar "Overseas" u arrestuan dy organozatorët dhe financuesit e organizatës Autor Deda (alias Lesaj), 38 vjeç, banues në Lezhë dhe Dodë Prela, 53 vjeç, lindur në Krujë dhe banues në Lezhë.<br /><br />"Në kuadër të procedimit penal të vitit 2013, Drejtoria për Hetimin e Narkotikëve dhe Trafiqet, në bashkëpunim me Drejtorinë e Forcës së Posaçme Operacionale, Drejtorinë Vendore të Policisë Lezhë, dhe Prokurorinë pranë Gjykatës së Shkallës së Parë për Krime të Rënda Tiranë, finalizuan operacionin policor të koduar "Overseas", sqaron policia.<br /><br />Gjithashtu në kërkim u shpallën shtetasit R.M., 41 vjeç, banues në Kurbin dhe G.K., 47 vjeç, banues në Lezhë.<br /><br />"Për shtetasit në kërkim, Prokuroria pranë Gjykatës së Shkallës së Parë për Krime të Rënda Tiranë, ka urdhëruar në datë 25 janar 2018, ekzekutimin e vendimit të datës 17.01.2018 të Gjykatës së Shkallës së Parë për Krime të Rënda Tiranë, e cila ka vendosur masën e sigurimit personal "Arrest në burg", për veprën penale të "Trafikim të narkotikëve", kryer në bashkëpunim" thotë policia në njoftimin e saj zyrtar.<br /><br />Nga hetimi disa vjeçar, i cili është shtrirë në Shqipëri dhe Itali, si rezultat i bashkëpunimit të ngushtë mes partnerëve ligjzbatues, është bërë e mundur që në periudha të ndryshme kohore, këtij grupi kriminal i janë sekuestruar sasi të konsiderueshme lëndë narkotike e llojit marijuanë, të trafikuara nga Shqipëria në drejtim të Italisë, në rrugë detare.<br /><br />Në kohë janë arrestuar edhe shtetas të tjerë.<br /><br />Nga hetimet e zhvilluara ka rezultuar dyshimi i arsyeshëm, i bazuar në prova, se në marrëveshje mes tyre shtetasit Dodë Prela dhe Autor Deda janë financuesit dhe organizatorët kryesorë të këtij trafiku.<br /><br />Shtetasi R.M. ishte në rolin e personit që siguronte tregun e shitjes së lëndës narkotike në Itali, ndërsa shtetasi G.K. ka qenë në rolin e magazinuesit të lëndës narkotike.<br /><br />Ndërkohë më parë janë arrestuar edhe tre transportues, shtetasit L.M., E.Z. dhe J.LL, të tre nga qarku Lezhë.<br /><br />Vijojnë hetimet për dokumentimin e plotë të veprimtarisë kriminale të këtyre shtetasve, si dhe identifikimin e bashkëpunëtorëve të tjerë të mundshëm.<br /><br />Materialet do t'i kalojnë për ndjekje të mëtejshme Prokurorisë pranë Gjykatës së Shkallës së Parë për Krime të Rënda Tiranë.<br /><br />Për më shumë lexoni në: <br /><br /><br />http://oranews.tv/article/shkaterrohet-grupi-kriminal-i-droges-arrestohen-2-organizatore-2-te-tjere-ne-kerkim
