Subscribe në Ora News këtu http://bit.ly/1s5j7UT<br /><br />Bie alarmi për Rikthimin në Shqipëri të virusit AH1N1, i njohur edhe si Gripi i Derrit.<br /><br />Dy fëmijë u dyshuan në Elbasan, si të prekur, duke rikthyer frikën e virusit vdekjeprurës, por drejtorja e Shëndetit Publik, Elvira Xhyra në një intervistë për Ora News, thotë se analizat rrëzuan çdo aludim.<br /><br />Xhyra: Janë bërë analizat e personave të dyshuar dhe është verifikuar se ka qenë thjesht grip stinor.<br /><br />Fruthi është një tjetër sëmundje që shkaktoi alarm në vend këtë fillim janari, me 27 raste që mbeten të izoluara vetëm në Tiranë.<br /><br />Xhyra: Në rrethin e Elbasanit nuk kemi asnjë rast së fruthit.<br /><br />Por bashkë me fruthin u rikthye edhe debati për vaksinën kundër sëmundjes. Një pjesë e prindërve refuzojnë të vaksinojnë të vegjlit e tyre për shkak të frikës së konsideruar ?legjendë urbane? të pasojave tek fëmijët. Fenomeni vihet re edhe në konsultoret e Elbasanit.<br /><br />Marinela Qosja: Deri para pak kohësh kanë refuzuar sepse kanë pasur frikën e autizmit.<br /><br />Ndërkohë qendrat spitalore në të gjithë vendin vijojnë të përballen me fluks pacientësh të prekur nga viruset gripale, por vendi nuk është në epidemi<br /><br />Për më shumë lexoni në: <br />http://oranews.tv/article/alarmi-rikthimin-e-gripit-te-derrit-ne-elbasan-nuk-qendron
