Subscribe në Ora News këtu http://bit.ly/1s5j7UT<br /><br />Partitë politike do të marrin një fond prej 190 milionë lekësh nga buxheti i shtetit për vitin 2018.<br /><br />Sipas ligjit, 70 për qind e shumës jepet sipas numrit të deputetëve të fituar në zgjedhjet e fundit parlamentare.<br /><br />Ndërsa subjektet përfituese, kur kanë marrë mbi 10 mijë vota në zgjedhje, ndajnë në mënyrë të barabartë 20 për qind të fondit të akorduar.<br /><br />Pjesa prej 10 për qind jepet për partitë që kanë marrë më shumë se 1 për qind të votave në shkallë vendi.<br /><br />Pjesa që mbetet pa u shpërndarë nga 10-përqindëshi i shtohet fondit prej 70 për qind dhe u ndahet partive parlamentare.<br /><br />Për Partinë Socialiste do të jepen 85 milionë lekë, PD do të marrë 51.8 milionë lekë, LSI rreth 26 milionë lekë, 10 milionë do të marrë PDIU dhe nga rreth 6 milionë do të përfitojë LIBRA dhe socialdemokratët.<br /><br />Shuma do të ndahet nesër në mbledhjen e rradhës së Komisionit Qendror të Zgjedhjeve.<br /><br />Për më shumë lexoni në: <br />http://oranews.tv/article/ndahen-fondet-partite-ps-perfiton-30-mln-leke-me-shume-se-pd
